Agenda a Chofnodion

Ni ddatganwyd unrhyw fuddiannau personol.

Ystyriodd yr Aelod o'r Bwrdd Gweithredol adroddiad ynghylch cefnogi Shopmobility Caerfyrddin drwy grant pellach o £14,650 am gyfnod o 12 mis gan gychwyn ym mis Medi 2018. Esboniwyd bod Shopmobility yn un o brif flaenoriaethau Strategaeth Barcio Integredig y Cyngor a'i fod wedi cael ei gefnogi gan y Cyngor ers 2011. Roedd y trefniadau cyllido presennol i fod i ddod i ben eleni. Nodwyd er bod y Gr?p yn cael incwm drwy godi tâl a thrwy gynnal gweithgareddau i godi arian, ei fod yn dibynnu'n bennaf ar gymorth ariannol gan y Cyngor.

PENDERFYNWYD rhoi grant pellach o £14,650 i gynorthwyo Shopmobility Caerfyrddin am gyfnod o 12 mis arall, gan gychwyn ym mis Medi 2018, yn amodol ar yr amodau yn yr adroddiad.

Ystyriodd yr Aelod o'r Bwrdd Gweithredol adroddiad ynghylch cefnogi Shopmobility Llanelli drwy grant pellach o £14,650 ar gyfer blwyddyn ariannol 2018/19 gan gychwyn ar 31 Gorffennaf 2018. Pwysleisiwyd bod Shopmobility yn un o brif flaenoriaethau Strategaeth Barcio Integredig y Cyngor a'i fod wedi cael ei gefnogi gan y Cyngor ers 2011. Roedd y trefniadau cyllido presennol i fod i ddod i ben eleni. Nodwyd er bod y Gr?p yn cael incwm drwy godi tâl a thrwy gynnal gweithgareddau i godi arian, ei fod yn dibynnu'n bennaf ar gymorth ariannol gan y Cyngor.

PENDERFYNWYD cynorthwyo Shopmobility Llanelli drwy grant pellach o £14,650 ar gyfer blwyddyn ariannol 2018/19, gan gychwyn ar 31 Gorffennaf 2018.

Ystyriodd yr Aelod o'r Bwrdd Gweithredol adroddiad ynghylch cynigion gan yr Awdurdod yn sgil cais gan Persimmon Homes am gyflwyno System Blaenoriaeth Ildio ger Garreglwyd, Pen-bre oherwydd bod y briffordd gyhoeddus bresennol yn gul o brif ffordd yr A484 i Ystad Dai Garreglwyd ac nad yw'n ddigon llydan i ddarparu ar gyfer troedffordd i gerddwyr a chynnal llif dwy ffordd i gerbydau. Byddai'r cynnig, petai'n cael ei fabwysiadu, yn hwyluso llif y traffig yn ddiogel drwy'r rhan gul o'r ffordd gan roi blaenoriaeth i gerbydau sy'n teithio tua'r gogledd er mwyn diogelu'r Rhwydwaith Priffyrdd Strategol, a byddai cost hynny yn cael ei thalu gan y datblygwr o dan Gytundeb Adran 278.

Dywedwyd yn sgil cyhoeddi'r cynnig, nad oedd unrhyw wrthwynebiadau wedi dod i law oddi wrth yr ymgyngoreion statudol. Fodd bynnag, roedd 10 gwrthwynebiad ysgrifenedig wedi dod i law, fel y nodwyd yn yr adroddiad ynghyd ag ymatebion y swyddog.

PENDERFYNWYD nodi'r gwrthwynebiadau a oedd wedi dod i law ynghylch y cynnig i gyflwyno System Blaenoriaeth Ildio ger Garreglwyd, Pen-bre, ond bod y Gorchymyn yn cael ei gyflwyno er budd diogelwch ffyrdd cyffredinol i hwyluso darparu troedffordd ddiogel o brif ffordd yr A484 i ystad Garreglwyd a rheoli llif y traffig yn ddiogel drwy'r rhan gul o'r ffordd.

PENDERFYNWYD llofnodi'r cofnod penderfyniadau Cyfarfod yr Aelod o'r Bwrdd Gweithredol dros yr Amgylchedd a gynhaliwyd ar 7 Mehefin 2018 gan ei fod yn gofnod cywir.