Agenda a Chofnodion

Ni chafwyd dim datganiadau o fuddiant personol.

Bu'r Aelod o'r Bwrdd Gweithredol yn ystyried adroddiad a oedd yn gofyn am gymeradwyaeth i gyhoeddi cynigion i gyflwyno gwaharddiad o ran aros ar unrhyw adeg, ynghyd â Gorchmynion Parcio Oddi ar y Stryd yn y lleoliadau canlynol ym Mharc Arfordirol y Mileniwm, fel y nodir yn atodiad 1 yr adroddiad, er mwyn hwyluso llif y traffig a sicrhau parcio trefnus yn y lleoliadau canlynol:-

a)    Heol y Ffatri, Parc Gwledig Pen-bre,

b)    Y ffordd sy'n arwain i'r maes parcio, ger Parc Carafanau Shoreline, Pen-bre

c)     Ffordd fynediad i faes parcio Meysydd G?yl, Llanelli,

d)    Ffordd fynediad o Ffordd Gyswllt Porth Tywyn i'r maes parcio.

Rhoddwyd gwybod yn dilyn ymgynghori cychwynnol ynghylch y cynigion â'r ymgyngoreion statudol, fod pedwar gwrthwynebiad/sylwadau wedi dod i law, fel y manylwyd yn Atodiad 2 yr adroddiad ynghyd ag ymatebion y swyddog iddynt. Argymhellwyd bwrw ati â'r cynigion, fel y manylwyd yn Atodiad 1, a rhoi gwybod i'r gwrthwynebwyr am hynny.

PENDERFYNWYD

PENDERFYNWYD llofnodi'r cofnod penderfyniadau o gyfarfod yr Aelod o'r Bwrdd Gweithredol dros yr Amgylchedd a gynhaliwyd ar 9 Mawrth 2018 gan ei fod yn gofnod cywir.

PENDERFYNWYD llofnodi'r cofnod penderfyniadau o gyfarfod yr Aelod o'r Bwrdd Gweithredol dros yr Amgylchedd a gynhaliwyd ar 26 Mawrth 2018 gan ei fod yn gofnod cywir.