Agenda a Chofnodion

Cafwyd ymddiheuriadau am absenoldeb gan Wendy Walters (Cyngor Sir Caerfyrddin), Gareth Morgans (Cyngor Sir Caerfyrddin) a Joanne Hendy (Cyngor Sir Penfro – Archwilio ERW).</AI1>

Ni ddatganwyd unrhyw fuddiannau personol yn y cyfarfod.</AI2>

PENDERFYNWYD llofnodi cofnodion cyfarfod Cyd-bwyllgor ERW a gynhaliwyd ar 13 Tachwedd 2020 gan eu bod yn gywir.

Ni chodwyd unrhyw faterion yn y cyfarfod.

Derbyniodd y Cyd-bwyllgor yr ohebiaeth ganlynol:

·         Llythyr gan Estyn, dyddiedig Ionawr 2021, yn ymwneud â gwaith ERW rhwng mis Mawrth a mis Hydref 2020;

·         Llythyr gan Gadeirydd y Gr?p Cynghorwyr - Craffu ar ERW at Gadeirydd y Cyd-bwyllgor yn ystyried sylwadau yn dilyn cyfarfod diwethaf y Gr?p Cynghorwyr - Craffu ar ERW ar 26 Tachwedd 2020;

·         Ymateb drafft gan Gadeirydd y Cyd-bwyllgor i'r llythyr uchod gan Gadeirydd y Gr?p Cynghorwyr - Craffu ar ERW.

PENDERFYNWYD

5.1.    Derbyn yr ohebiaeth;

5.2.    Cymeradwyo llythyr ymateb drafft y Cadeirydd mewn ymateb i'r llythyr gan Gadeirydd y Gr?p Cynghorwyr - Craffu ar ERW.</AI5>

Cafodd y Cyd-bwyllgor gyflwyniad diweddaru ynghylch y meysydd allweddol canlynol:

·              Grwpiau Strategaeth ERW

·              Adroddiad Thematig ESTYN

·              Cynnig Dysgu Proffesiynol ERW

·              Cwricwlwm i Gymru

·              Cymorth Cwricwlwm Uwchradd

·              Dysgu ac Ymchwil Proffesiynol

·              Tegwch a Llesiant

·              Arweinyddiaeth

·              Sgiliau Digidol

·              Cymraeg

Gwnaed sawl sylw yn diolch i ERW am ei waith gwerthfawr yn cefnogi ysgolion yn ystod y pandemig.

Mewn ymateb i ymholiad, dywedwyd wrth yr Aelodau y byddai lefel yr ymgysylltu ag adnoddau byw ac adnoddau ar gais yn cael ei monitro.

PENDERFYNWYD derbyn y cyflwyniad diweddaru.</AI6>

Cafodd y Cyd-bwyllgor adroddiad cynnydd ar Ddatblygiadau Consortiwm.

Dywedwyd wrth yr Aelodau bod Cyfarwyddwyr wedi cytuno ar ddatganiad cenhadaeth drafft gan gynnwys egwyddorion allweddol, nodau craidd a gwerthoedd ar gyfer model newydd ERW fel y nodir yn yr adroddiad. Roedd swyddogion cyfreithiol yn llunio cytundeb cyfreithiol drafft ar gyfer trefniadau yn y dyfodol.

Roedd y Cyfarwyddwr Arweiniol wedi gofyn i bob Awdurdod Lleol gadarnhau pa wasanaethau fyddai eu hangen ar lefel leol, a oedd yr Awdurdod Lleol yn bwriadu ymuno â'r Consortiwm newydd a pha wasanaethau a gomisiynwyd fyddai eu hangen pe na bai’n dymuno ymuno â'r Consortiwm newydd. Dywedwyd wrth y Cyd-bwyllgor nad oedd ymateb gan Gastell-nedd Port Talbot wedi dod i law eto. Ar ôl derbyn hwn, gellid datblygu'r cytundeb cyfreithiol drafft a llunio strwythur costau ar gyfer y model newydd. Roedd cyngor cyfreithiol annibynnol yn cael ei geisio gan arbenigwyr caffael cyhoeddus mewn perthynas â chomisiynu a'r goblygiadau posibl o ran cyfrifoldebau statudol ar gyfer gwelliannau i ysgolion.

Dywedwyd na fyddai Cyngor Sir Ceredigion yn ymuno â'r model newydd ond ei fod yn bwriadu comisiynu gwasanaethau yn y dyfodol. Byddai Cyngor Sir Caerfyrddin a Chyngor Abertawe yn dad-wneud dros dro eu hysbysiad ynghylch gadael y Consortiwm er mwyn hwyluso ymestyn y dyddiad gweithredu newydd tan 31 Awst 2021.

Gwnaed sawl sylw yn croesawu ymestyn y dyddiad gweithredu tan 31 Awst 2021 i leihau risgiau ariannol a darparu sefydlogrwydd yn ystod y pandemig.

PENDERFYNWYD y dylid ymestyn y dyddiad ar gyfer diddymu / terfynu ERW a gweithredu model Consortiwm newydd tan 31 Awst 2021. </AI7>

Cafodd y Cyd-bwyllgor gyflwyniad ar Ddiweddariad Ariannol ERW 2020-21 fel yr oedd ar 31 Rhagfyr 2020, yn ymwneud â'r meysydd canlynol:

·         Cyllideb y Tîm Canolog

·         Cytundebau Lefel Gwasanaeth

·         Cyfraniadau Awdurdodau Lleol

·         Dyraniadau Grant

·         Grant Datblygu Disgyblion

·         Grant Gwella Ysgolion y Consortia Rhanbarthol

·         Grantiau -  Blaenoriaethau Cynllun Busnes

·         Risgiau

·         Cronfeydd wrth gefn

·         Argymhellion

Dywedwyd wrth y Cyd-bwyllgor nad oedd y Cytundebau Lefel Gwasanaeth wedi newid a bod holl gyfraniadau Awdurdodau Lleol ar gyfer 2020/21 wedi dod i law.

Nid oedd dyraniadau grant wedi newid fawr ac eithrio llythyr amrywio a oedd yn darparu swm ychwanegol o £35k ar gyfer Cefnogi Dysgwyr Mabwysiedig a Chyllid y Prosiect Ymholi Proffesiynol Cenedlaethol (PYPC). Yr alldro a ragwelir yw tanwariant o £229k, yn bennaf oherwydd swyddi gwag a ffyrdd newydd o weithio yn ystod y pandemig.

Roedd £10k wedi'i ychwanegu at y gyllideb i dalu costau cyfreithiol y newidiadau arfaethedig i ERW, yn seiliedig ar amcangyfrif a roddwyd i'r Cyfarwyddwr Addysg Arweiniol. Cafodd y gost hon ei chyllido drwy arbedion a wnaed mewn rhannau eraill o'r gyllideb cyllid craidd.

O ran Gwariant wedi'i Gyllidebu ar gyfer Gwella Ysgolion, roedd grwpiau strategaeth ar y trywydd iawn i wario'r gyllideb oedd yn weddill yn unol â blaenoriaethau y cytunwyd arnynt. Roedd risgiau yn parhau i gael eu nodi o ran dibyniaeth ar grantiau, ôl troed ERW yn y dyfodol a chronfeydd wrth gefn sy'n lleihau.

PENDERFYNWYD

 8.1.       Nodi sefyllfa ariannol ERW wedi'i diweddaru fel yr oedd ar 31 Rhagfyr 2020;

 8.2.       Cymeradwyo'r diwygiadau i gyllideb y Tîm Canolog ar gyfer 2020-21, sef y costau cyfreithiol ar gyfer y newidiadau a ragwelir i ERW.</AI8>

Cafodd y Cyd-bwyllgor y Gofrestr Risg yn manylu ar y prif risgiau busnes strategol i amcanion ERW. Dywedwyd bod y risgiau mewn perthynas â chymwysterau 2021 wedi'u diweddaru i adlewyrchu cyhoeddiadau diweddar Llywodraeth Cymru.

PENDERFYNWYD

9.1.      Nodi'r newid yn y proffil risg;

9.2.      Derbyn y gofrestr risg.

Cafodd y Cyd-bwyllgor adroddiad ar y Rhaglen Waith Archwilio Mewnol ar gyfer 2020/21.

Dywedwyd wrth yr Aelodau bod y Rhaglen wedi'i pharatoi yn unol â gofynion Safonau Archwilio Mewnol y Sector Cyhoeddus a'i bod wedi'i datblygu mewn ymgynghoriad â'r Prif Weithredwr Arweiniol, Cyfarwyddwr Arweiniol, Swyddog Adran 151, Swyddog Monitro a Phrif Swyddogion Dros Dro.

PENDERFYNWYD cymeradwyo'r Rhaglen Archwilio Mewnol ar gyfer 2020/21.</AI10>

Nid oedd dim materion brys i'w trafod.