Agenda a Chofnodion
Lleoliad: Y Cothi, - Canolfan Halliwell Centre, University of Wales Trinity St David, Carmarthen. SA31 3EP.. Cyfarwyddiadau
Nodyn: Parking available at Y Llwyfan
Rhif | eitem |
---|---|
YMDDIHEURIADAU AM ABSENOLDEB Cofnodion: Derbyniwyd ymddiheuriadau am absenoldeb gan y Cynghorydd Emlyn Dole (Cyngor Sir Caerfyrddin), y Cynghorydd Rob Jones (Cyngor Castell-nedd Port Talbot), y Cynghorydd Myfanwy Alexander (Cyngor Sir Powys), Wendy Walters (Cyngor Sir Caerfyrddin), Eifion Evans (Cyngor Sir Ceredigion), Steven Phillips (Cyngor Castell-nedd Port Talbot), Ian Westley (Cyngor Sir Penfro) a Chris Llewelyn (Cymdeithas Llywodraeth Leol Cymru).
|
|
ETHOL CADEIRYDD AC IS-GADEIRYDD. CADARNHAU PRIF WEITHREDWR ARWEINIOL PDF 238 KB Cofnodion: Cafwyd enwebiadau ar gyfer penodi'r Cynghorydd Ellen ap Gwynn yn Gadeirydd a'r Cynghorydd Emlyn Dole yn Is-gadeirydd y Cyd-bwyllgor.
Dywedodd y Swyddog Monitro y byddai angen i'r Cyd-bwyllgor ailbenodi Mr Phil Roberts yn Brif Weithredwr Arweiniol yn ffurfiol ar ôl iddo ddychwelyd, ac nad oedd y cytundeb cyfreithiol yn nodi cyfnod yn y swydd ar gyfer y rôl hon.
Diolchodd y Cadeirydd i Mr Eifion Evans am ei waith yn ystod absenoldeb Mr Roberts.
PENDERFYNWYD YN UNFRYDOL 2.1. Benodi'r Cynghorydd Ellen ap Gwynn yn Gadeirydd y Cyd-bwyllgor am y ddwy flynedd sydd i ddod; 2.2. Penodi'r Cynghorydd Emlyn Dole yn Is-gadeirydd y Cyd-bwyllgor am y ddwy flynedd sydd i ddod; 2.3. Cadarnhau Mr Phil Roberts yn Brif Weithredwr Arweiniol.
|
|
DATGAN BUDDIANNAU PERSONOL Cofnodion: Ni ddatganwyd unrhyw fuddiannau personol yn y cyfarfod. Rhoddwyd gwybod i'r Cyd-bwyllgor bod ffurflenni datgan buddiant personol wedi'u dosbarthu yn y cyfarfod i Aelodau eu llenwi a'u dychwelyd.
|
|
LLOFNODI YN COFNOD CYWIR COFNODION Y CYFARFOD A GYNHALIWYD AR 30 MAI 2019 PDF 392 KB Cofnodion: PENDERFYNWYD llofnodi cofnodion y cyfarfod a gynhaliwyd ar 30 Mai 2019 gan eu bod yn gywir, yn amodol ar y newid canlynol:
1. Ymddiheuriadau am Absenoldeb - Derbyniwyd ymddiheuriadau am absenoldeb gan y Cynghorydd Rob Stewart.
Roedd y Cynghorydd Rob Stewart wedi bod yn bresennol yn y cyfarfod.
|
|
MATERION YN CODI O'R COFNODION (OS OES RHAI) Cofnodion: Cofnod Rhif 5 - Diweddariad ynghylch Recriwtio ERW Mewn ymateb i ymholiad, cafodd y Cyd-bwyllgor wybod nad oedd gweithdy mewn perthynas â recriwtio a'r gofyniad o ran yr iaith Gymraeg wedi'i gynnal eto. Gofynnodd y Pwyllgor i'r gweithdy gael ei drefnu'n fuan.
|
|
Dogfennau ychwanegol: Cofnodion: ESTYN Bu'r Cyd-bwyllgor yn ystyried dau lythyr a gyflwynwyd gan ESTYN. Nododd y llythyr cyntaf, dyddiedig 12 Mehefin 2019, yn dilyn y diweddariad ynghylch sefyllfa ERW, yr hoffai cynrychiolwyr ESTYN ymweld ag ERW a chyfarfod â nifer o gynrychiolwyr y Cyd-bwyllgor, ERW, yr Awdurdodau Lleol, y Gr?p Craffu a'r Bwrdd Penaethiaid. Rhoddwyd gwybod i'r Pwyllgor bod y cyfarfodydd wedi'u cynnal ar 24 a 25 Mehefin 2019 a bod ESTYN wedi anfon ail lythyr mewn ymateb, dyddiedig 28 Mehefin 2019. Roedd y llythyr yn cydnabod cyflawniadau o ran y strwythur staffio newydd ac yn cydnabod bod gwaith pellach yn mynd rhagddo mewn perthynas â threfniadau recriwtio, llywodraethu a rheoli perfformiad.
Diolchodd y Cadeirydd i bawb a oedd yn rhan o'r gwaith gydag ESTYN am eu cyfraniadau. Diolchodd hi hefyd i Mr Geraint Rees am ei arweinyddiaeth a'i waith mewn perthynas â diwygio ERW.
Gr?p Cynghorwyr - Craffu ar ERW Bu'r Cyd-bwyllgor yn ystyried llythyr gan Gadeirydd y Gr?p Cynghorwyr - Craffu ar ERW, dyddiedig 24 Mehefin 2019. Dywedodd Cadeirydd y Cyd-bwyllgor y byddai llythyr ymateb yn cael ei anfon ar ôl y cyfarfod heddiw.
PENDERFYNWYD 6.1. Nodi'r llythyrau gan ESTYN a'r Gr?p Cynghorwyr - Craffu ar ERW; 6.2. Gwneud trefniadau i anfon llythyr ymateb at y Gr?p Cynghorwyr - Craffu ar ERW.
|
|
PAPURAU CYLLID AC AWDIT |
|
CYNLLUN AWDIT ERW GAN SWYDDFA AWDIT CYMRU AM 2018-19 PDF 220 KB Dogfennau ychwanegol: Cofnodion: Bu'r Cyd-bwyllgor yn ystyried Cynllun Swyddfa Archwilio Cymru ERW ar gyfer 2018-19, a roddai'r wybodaeth ddiweddaraf am y gwaith a wnaed gan Swyddfa Archwilio Cymru i gyflawni ei dyletswyddau statudol.
PENDERFYNWYD 7.1.1. Cymeradwyo Cynllun Archwilio 2018-19 Swyddfa Archwilio Cymru; 7.1.2. Cymeradwyo'r ffi archwilio, sef £13,000; 7.1.3. Cytuno ar yr amserlen a nodwyd yn yr adroddiad; 7.1.4. Cytuno ar gyfrifoldebau priodol a nodwyd yn yr adroddiad.
|
|
ADRODDIAD ARCHWILIO MEWNOL CONSORTIWM ERW 2018-19 PDF 243 KB Dogfennau ychwanegol: Cofnodion: Bu'r Cyd-bwyllgor yn ystyried adroddiad a oedd yn manylu ar ganfyddiadau adolygiad archwilio mewnol o Gonsortiwm ERW 2018-19. Rhoddwyd gwybod i'r Cyd-bwyllgor bod yr adroddiad yn rhoi sicrwydd mewn perthynas ag effeithiolrwydd y trefniadau llywodraethu, rheolaeth fewnol, rheoli risg a rheolaeth ariannol sydd ar waith ar gyfer Consortiwm ERW. Roedd yr adroddiad yn cydnabod y gwelliannau a wnaed ac yn nodi meysydd ar gyfer gwaith pellach. Ynghlwm wrth yr adroddiad yr oedd cynllun gweithredu a oedd yn manylu ar sut y byddid yn mynd i'r afael â'r meysydd hyn.
PENDERFYNWYD nodi Adroddiad Archwilio Mewnol 2018-19.
|
|
BARN SICRWYDD FLYNYDDOL PENNAETH ARCHWILIO MEWNOL CONSORTIWM ERW AR GYFER 2018-19 PDF 230 KB Dogfennau ychwanegol: Cofnodion: Cafodd y Cyd-bwyllgor adroddiad ar Farn Sicrwydd Flynyddol Pennaeth Archwilio Mewnol 2018-19 ynghylch effeithlonrwydd trefniadau llywodraethu, rheoli mewnol, rheoli risgiau a rheolaeth ariannol ERW.
Rhoddwyd gwybod i'r Cyd-bwyllgor bod yr adroddiad wedi'i lunio yn unol â Safonau Archwilio Mewnol y Sector Cyhoeddus.
PENDERFYNWYD nodi'r adroddiad.
|
|
DATGANIAD LLYWODRAETHU BLYNYDDOL 2018-19 PDF 246 KB Dogfennau ychwanegol: Cofnodion: Cafodd y Cyd-bwyllgor adroddiad ynghylch canfyddiadau'r adolygiad blynyddol o drefniadau llywodraethu ar gyfer Consortiwm ERW 2018-19. Rhoddwyd gwybod i'r Cyd-bwyllgor bod yr adolygiad wedi nodi dau Fater Llywodraethu Sylweddol mewn perthynas ag adolygu a diweddaru Cytundeb Cyfreithiol ERW a'r model cyllido diwygiedig, a 6 blaenoriaeth ar gyfer gwella.
Mewn ymateb i ymholiad, dywedwyd wrth y Cyd-bwyllgor ei bod yn dderbyniol i Aelodau anfon dirprwyon. Awgrymwyd y gallai adolygiad o'r Cytundeb Cyfreithiol ystyried a ddylai cynrychiolwyr Awdurdod Lleol, heblaw am Arweinwyr, megis deiliaid portffolios, gael eu hystyried yn Aelodau'r Cyd-bwyllgor. Fodd bynnag, byddai angen canllawiau gan Lywodraeth Cymru ynghylch hyn. Rhoddwyd gwybod i'r Pwyllgor bod Llywodraeth Cymru wedi ystyried aelodaeth y Cyd-bwyllgor mewn darn rhagarweiniol o waith, ond y byddai'n well aros i Bapur Gwyn Llywodraeth Cymru ynghylch gwaith rhanbarthol yn y dyfodol a chyfansoddiad Cyd-bwyllgorau statudol gael ei gyhoeddi yn yr hydref.
PENDERFYNWYD cymeradwyo Datganiad Llywodraeth Blynyddol ar gyfer 2018/19.
|
|
DATGANIAD O GYFRIFON ERW AR GYFER 2018-19 PDF 260 KB Dogfennau ychwanegol: Cofnodion: Bu'r Cyd-bwyllgor yn ystyried Datganiad Cyfrifon ERW ar gyfer 2018-19 a oedd ynghlwm wrth Archwiliad Swyddfa Archwilio Cymru o Ddatganiadau Ariannol Safon Ryngwladol ar Archwilio (ISA) 260. Rhoddwyd gwybod i'r Pwyllgor bod y Datganiad Cyfrifon wedi'i gyhoeddi'n ddrafft ar 30 Mai 2019. Roedd cyfraniad un Awdurdod Lleol a oedd heb gael ei gyflwyno wedi'i dderbyn erbyn hyn ond nid oedd y Datganiad Cyfrifon wedi'i addasu i adlewyrchu hyn gan nad oedd y swm wedi'i ystyried yn un sylweddol. Nid oedd Barn Sicrwydd Flynyddol Pennaeth Archwilio Mewnol ERW wedi nodi unrhyw faterion rheoli mewnol sylweddol a fyddai'n effeithio ar y Datganiad Cyfrifon.
O ran adroddiad Swyddfa Archwilio Cymru, rhoddwyd gwybod i'r Cyd-bwyllgor bod yr holl argymhellion ar ddiwedd yr adroddiad wedi'u derbyn. Rhestrwyd y dogfennau oedd yn weddill ar gyfer cwblhau'r gwaith archwilio ym Mharagraff 7 a gofynnwyd i'r Aelodau ddychwelyd ffurflenni datgan buddiant yn fuan.
PENDERFYNWYD 7.5.1. Cymeradwyo Datganiad Cyfrifon ERW ar gyfer 2018-19; 7.5.2. Bod Datganiad Cyfrifon ERW ar gyfer 2018-19 yn cael ei lofnodi gan Gadeirydd Cyd-bwyllgor ERW a Swyddog Adran 151 ERW.
|
|
DIWEDDARIAD ARIANNOL ERW 2019-20 PDF 151 KB Dogfennau ychwanegol: Cofnodion: Cafodd y Cyd-bwyllgor y wybodaeth ddiweddaraf am sefyllfa ariannol ERW ar gyfer 2019-20 ar 31 Mai 2019. Roedd yr adroddiad yn rhoi'r wybodaeth ddiweddaraf am y meysydd canlynol: - Cyllideb 2019-20 y Tîm Canolog - Cytundebau Lefel Gwasanaeth - Dyraniadau Grant 2019-20 - Grantiau 2019-20 - Grant Gwella Ysgolion y Consortia Rhanbarthol - Blaenoriaethau Cynllun Busnes ERW 2019-20: o Cwricwlwm ac Asesu o Datblygu'r Proffesiwn o Arweinyddiaeth o Gwella Ysgolion o Ysgolion Cryf a Chynhwysol - Risgiau - Cronfeydd wrth gefn
Rhoddwyd gwybod i'r Pwyllgor bod gwall bach yn yr adroddiad mewn perthynas â'r dyddiad y cymeradwywyd cyllideb 2019-20. Cymeradwywyd y gyllideb mewn egwyddor yng nghyfarfod y Cyd-bwyllgor a gynhaliwyd ar 3 Ebrill 2019. O ran y cronfeydd wrth gefn, rhoddwyd gwybod i'r Pwyllgor, er bod y cronfeydd wrth gefn wedi'u defnyddio yn ystod blynyddoedd blaenorol, nad oedd bwriad i wneud hynny yn 2019-20. Roedd gwaith yn cael ei wneud ar y model cyllido ar gyfer y dyfodol.
Codwyd nifer o ymholiadau a sylwadau ynghylch yr adroddiad, gan gynnwys y canlynol: - Awgrymwyd bod angen adolygu Cytundebau Lefel Gwasanaeth oherwydd anghysondebau. - Codwyd ymholiad ynghylch y risgiau yn sgil gostyngiadau posibl yn swm y cyllid grant yn y dyfodol. Rhoddwyd gwybod i'r Pwyllgor bod y gwaith yn mynd rhagddo ar gadernid hirdymor y trefniadau cyllid a staffio ac y byddai'r mater yn cael sylw mewn gweithdy yn ddiweddarach yr wythnos hon.
PENDERFYNWYD 7.6.1. Cymeradwyo'r diwygiadau i Gyllideb y Tîm Ganolog fel y manylwyd arnynt yn yr adroddiad; 7.6.2. Bod y Cyd-bwyllgor, y Bwrdd Gweithredol a'r Swyddog Adran 151 yn parhau i lunio'r model ariannol a chyllido ar gyfer 2020-21 a'r tu hwnt.
|
|
SWYDDOGAETH CYLLID ERW PDF 259 KB Cofnodion: Estynnodd y Swyddog Adran 151 ddymuniadau gorau i Mr Ian Eynon ar ei ymddeoliad ac i Ms Katie Morgan a fyddai'n gadael ERW i ddechrau swydd newydd. Diolchodd y Cyd-bwyllgor i'r ddau am eu cyfraniadau.
Ystyriodd y Cyd-bwyllgor a ddylai Cyngor Sir Penfro barhau i gyflawni swyddogaeth cyllid ERW yn y dyfodol. Rhoddwyd gwybod i'r Pwyllgor bod Cyngor Sir Penfro wrthi'n cyflwyno cyfriflyfr ariannol newydd ac y byddai angen ychwanegu manylion yr holl ysgolion yn rhanbarth ERW at y system newydd. Byddai hyn ond yn gost effeithiol pe byddai Cyngor Sir Penfro yn parhau i gyflawni swyddogaeth cyllid ERW yn y dyfodol.
PENDERFYNWYD bod Cyngor Sir Penfro yn parhau i gyflawni swyddogaeth cyllid ERW.
|
|
APWYNTIO RHEOLWR GYFARWYDDWR DROS DRO PDF 228 KB Cofnodion: Bu'r Cyd-bwyllgor yn ystyried adroddiad ynghylch penodi Rheolwr Gyfarwyddwr dros dro ar gyfer ERW. Dywedodd y Cadeirydd y byddai Mr Geraint Rees yn gadael ERW a diolchodd iddo am ei gyfraniad. Dywedodd y Cyfarwyddwr Arweiniol fod Mr Morgan wedi gweithio fel Ymgynghorydd Her a Phennaeth Addysg ledled Sir Gaerfyrddin a Sir Benfro yn flaenorol, a bod y Bwrdd Penaethiaid yn cefnogol i'w benodi. Byddai cyflog y secondiad o fewn yr ystod cyflog y cytunwyd arni ar gyfer deiliad parhaol y swydd yn y strwythur diwygiedig.
PENDERFYNWYD bod Mr Andi Morgan yn cael ei benodi'n Rheolwr Gyfarwyddwr Dros Dro ERW tan 31 Rhagfyr 2019.
|
|
DIWEDDARIAD AR STAFF A CYLLIDO'R STRWYTHUR PDF 243 KB Dogfennau ychwanegol: Cofnodion: Cafodd y Cyd-bwyllgor adroddiad ynghylch y cynnydd a wnaed o ran trefniadau staffio a chyllido ar gyfer strwythur ERW. Dywedodd Mr Geraint Rees fod deuddeg o bobl wedi'u penodi i weithio ar y cwricwlwm newydd ledled y rhanbarth cyfan. Roedd penodiadau wedi'u gwneud mewn perthynas â phynciau Saesneg, Mathemateg, Gwyddoniaeth a'r Dyniaethau ond roedd penodiadau ym meysydd Technoleg, Ieithoedd Modern a Chelf Mynegiannol heb eu gwneud o hyd. Dywedodd Mr Rees y byddai'r penodiadau newydd yn darparu sylfaen gadarn ar gyfer symud ERW yn ei flaen.
Gwnaed nifer o sylwadau a oedd yn croesawu cynnydd ynghylch y strwythur newydd. Awgrymwyd bod y Cyd-bwyllgor yn cael ysgrifau portread gan gynnwys cefndir a lluniau o'r staff newydd eu penodi.
PENDERFYNWYD bod yr adroddiad yn cael ei dderbyn.
|
|
Dogfennau ychwanegol: Cofnodion: Bu'r Cyd-bwyllgor yn ystyried adroddiad ynghylch y risgiau systemig a oedd yn wynebu Consortiwm ERW a'i Awdurdodau Lleol cyfansoddol. Rhoddwyd gwybod i'r Pwyllgor bod y model ar gyfer asesu risgiau wedi'i newid ar y cyd â swyddogion o Gyngor Sir Penfro. Dywedwyd wrth y Pwyllgor hefyd y rhoddwyd sylw i'r risgiau blaenorol mewn perthynas â'r diffyg staff parhaol a'r gweithle ar gyfer y tîm canolog a bod modd lleihau Risg Ganolog 2 (Methu â chydymffurfio â Chynllun Gweithredu ESTYN) yn dilyn gohebiaeth gan ESTYN a drafodwyd dan Eitem 6 (Gohebiaeth).
Mewn ymateb i ymholiad ynghylch risgiau cysylltiedig â chyllid, dywedodd Mr Rees mai cyfrifoldeb pob Awdurdod Lleol oedd ffynhonnell cyllid Awdurdod Lleol a bod angen i bob partner sicrhau bod ei amodau grant yn cael eu cyflawni. Awgrymwyd, o ystyried yr oedi o ran yr Adolygiad Cynhwysfawr o Wariant, y dylai Awdurdodau Lleol cyfansoddol yn y Consortiwm gymryd camau i bwysleisio'r anawsterau sy'n gysylltiedig â grantiau un flwyddyn.
PENDERFYNWYD bod yr adroddiad yn cael ei dderbyn.
|
|
UNRHYW FATER ARALL Y GALL Y CADEIRYDD OHERWYDD AMGYLCHIADAU ARBENNIG, BENDERFYNU EI YSTYRIED YN FATER BRYS YN UNOL AG ADRAN 100B(4)(B) DEDDF LLYWODRAETH LEOL 1972 Cofnodion: Nododd y Cadeirydd nad oedd unrhyw eitemau busnes eraill y dylid eu hystyried fel mater o frys.
|
Cyngor a Democratiaeth
Y Cyngor
Cynghorwyr, ACau ac ASau
- Eich Cynghorydd Sir
- Strategaeth Cyfranogiad y Cyhoedd a'r Cynllun Deiseb
- Lwfansau a buddiannau cynghorwyr
- Cynghorwyr Tref a Chymuned
- Aelodau Senedd Cymru
- Aelodau Seneddol
- Sut mae bod yn Gynghorydd
Adrannau'r Cyngor
Dweud eich dweud
- Ymgynghoriad ar y gyllideb 2024Gyllideb
- Prif Gynllun Teithio Llesol Y Tymbl
- Strategaeth Hamdden 2023-33 ymgynghoriad cymunedol
- Polisi codi tâl am wasanaethau gofal cymdeithasol
- Polisi Dyrannu Tai Cymdeithasol
- Strategaeth Leol ar gyfer Perygl Llifogydd 2024-2030
- Asesiad Rheoliadau Cynefinoedd ar gyfer yr Ail Gynllun Datblygu Lleol Diwygiedig Adneuo 2018-2033
- Arfarniad Cynaliadwyedd Integredig ar gyfer yr Ail Gynllun Datblygu Lleol Diwygiedig Adneuo 2018-2033
- Strategaeth y Rhaglen Moderneiddio Addysg
- Strategaeth Cyfleusterau Cyhoeddus Sir Gaerfyrddin
- Creu Sir Gaerfyrddin Ddigidol
- Holiadur Preswylwyr Sir Gâr 2023
- Ymgynghoriad ynghylch Polisi Plant sy'n Codi'n 4 Oed Ysgolion Cynradd 2025/26
Pwyllgorau a Chyfarfodydd
- Agendâu a chofnodion
- Pwyllgor Llywodraethu ac Archwilio
- Dyddiadur y Cyngor
- Pwyllgor Gwasanaethau Democrataidd
- Y Cabinet
- Penderfyniadau swyddogion
- Blaengynlluniau Waith
- Pwyllgor Cynllunio
- Craffu
- Pwyllgor Safonau
- Cyngor Ymgynghorol Sefydlog dros Addysg Grefyddol (CYSAG)
Strategaethau a chynlluniau
- Cynllun Cyflenwi Tai Fforddiadwy 2016 - 20
- Datganiad Gweledigaeth y Cabinet 2022 - 2027 (Gorffennaf 2022)
- Strategaeth Drawsnewid Cyngor Sir Caerfyrddin
- Polisi Diogelu Corfforaethol
- Strategaeth Ddigidol ar gyfer Ysgolion 2018 - 2021
- Strategaeth Technoleg Ddigidol 2018 - 2021
- Strategaeth Trawsnewid Digidol
- Cymorth i Deuluoedd Sir Gaerfyrddin 2018-23
- Gwybodaeth ddiweddaraf am wasanaeth Llyfrgelloedd - Symud ymlaen 2017 - 2025
- Strategaeth y Rhaglen Moderneiddio Addysg (1)
- Symud Sir Gâr Wledig Ymlaen
- Cynllun Cydraddoldeb Strategol
- Cynllun Trechu Tlodi 2023
- Strategaeth Hybu’r Gymraeg
- Safonau’r Gymraeg
- Adroddiad Blynyddol y Gymraeg
Y Cyllideb y Cyngor
Cyllideb y Cyngor
- Crynhoad Cyllideb
- Datganiad Cyfrifon
- Cronfa Bensiwn Dyfed
- Ein Rhanbarth ar Waith (ERW)
- Bargen Ddinesig Bae Abertawe
- Ffyrdd syml i arbed arian i'r Cyngor
Perfformiad y Cyngor
- Rheoli Perfformiad
- Archwiliadau, Arolygiadau ac Adroddiadau
- Y Ddeddf Llesiant Cenedlaethau’r Dyfodol
- Adroddiad Blynyddol y Cyngor 2022-23
Hysbysiadau cyhoeddus
Canllawiau Brexit
Iaith Gymraeg
Carbon Sero-net
Cydraddoldeb ac Amrywiaeth
Cyfamod Lluoedd Arfog
Etholiadau a Phleidleisio
- Etholiadau Lleol 2022
- Pleidleisio
- Bod yn gymwys i bleidleisio
- Sut mae pleidleisio?
- Newidiadau i bleidleisio drwy'r post a phleidleisio drwy ddirprwy
- Cofrestru i bleidleisio
- Diweddaru eich manylion ar y Gofrestr Etholiadol
- Diweddariad blynyddol o'r gofrestr pleidleiswyr
- Sut i optio allan o'r gofrestr agored
- Gweld y Gofrestr Etholiadol
- Is-etholiadau
- Fy Un Agosaf - Gwybodaeth etholiadol
- Etholiadau Senedd Cymru
- Etholiadau'r Comisiynydd Heddlu a Throseddu 2024
- Etholiad Cyffredinol Seneddol 2019
- Help i Bleidleiswyr Anabl
- Adolygiad o Ffiniau Seneddol
- Prawf Adnabod Pleidleisiwr
- Adolygiad Cymunedol 2023
- Adolygiad o Ddosbarthau Pleidleisio a Mannau Pleidleisio
- Recriwtio ar gyfer etholiadau
Mwy ynghylch Cyngor a Democratiaeth