Agenda a chofnodion drafft
Lleoliad: Siambr, Neuadd Y Sir, Caerfyrddin. SA31 1JP.. Cyfarwyddiadau
Media
Rhif | eitem | ||||||
---|---|---|---|---|---|---|---|
PENODI CADEIRYDD AC IS-GADEIRYDD Y PANEL PDF 311 KB Dogfennau ychwanegol: Cofnodion: PENDERFYNWYD YN UNFRYDOL 1.1 benodi'r Cynghorydd Alun Lloyd-Jones yn Gadeirydd y Panel am y flwyddyn galendr sydd i ddod; 1.2 penodi'r Athro Ian Roffe yn Is-gadeirydd y Panel am y flwyddyn galendr sydd i ddod.
|
|||||||
YMDDIHEURIADAU AM ABSENOLDEB A MATERION PERSONOL Dogfennau ychwanegol: Cofnodion: Derbyniwyd ymddiheuriadau am absenoldeb gan y Cynghorwyr L. Edwards (Cyngor Sir Ceredigion) a R. Summons (Cyngor Sir Penfro).
|
|||||||
DATGANIADAU O FUDDIANT Dogfennau ychwanegol: Cofnodion:
|
|||||||
LLOFNODI YN GOFNOD CYWIR GOFNODION Y CYFARFOD A GYNHALIWYD AR 19EG CHWEFROR, 2021 PDF 298 KB Dogfennau ychwanegol: Cofnodion: PENDERFYNWYD llofnodi cofnodion cyfarfod Panel Heddlu a Throseddu Dyfed-Powys a gynhaliwyd ar 19 Chwefror 2021 gan eu bod yn gywir.
|
|||||||
MATERION YN CODI O'R COFNODION (OS OES RHAI) Dogfennau ychwanegol: Cofnodion: Ni chodwyd unrhyw faterion yn y cyfarfod.
|
|||||||
CWESTIYNAU Â RHYBUDD GAN AELODAU'R PANEL I'R COMISIYNYDD Dogfennau ychwanegol: |
|||||||
CWESTIWN GAN Y CYNGHORYDD KEITH EVANS “Pa gamau y mae'r Comisiynydd yn eu cymryd, yn ei drafodaethau â'r Prif Gwnstabl Dros Dro, ynghylch lles a llesiant Swyddogion sydd wedi bod yn ymwneud yn benodol â Phlismona rheng flaen yn ystod Pandemig Covid-19.”
Dogfennau ychwanegol: Cofnodion: “Pa gamau y mae'r Comisiynydd yn eu cymryd yn ei drafodaethau â'r Prif Gwnstabl Dros Dro ynghylch lles a llesiant Swyddogion sydd wedi bod yn ymwneud yn benodol â Phlismona rheng flaen yn ystod Pandemig Covid-19?”
Ymateb y Comisiynydd: Dywedodd y Comisiynydd fod effaith Covid wedi bod yn heriol i bob gwasanaeth a mynegodd ei ddiolch i Awdurdodau Lleol a'r Bwrdd Iechyd am gadw'r gymuned yn ddiogel. Dywedwyd pa mor bwysig ydoedd i gefnogi staff a bod llesiant staff yn hollbwysig i'r heddlu.
Dywedwyd bod y galw ar yr heddlu a'r gwasanaeth ambiwlans yn fwy nag erioed ym mis Awst 2020 a bod hynny wedi digwydd eto ym mis Mai, Mehefin a Gorffennaf eleni. Cydnabuwyd bod hyn yn rhoi staff o dan bwysau gyda chynnydd mewn oriau gwaith, ond roedd lles staff yn flaenoriaeth i'r tîm arwain a nodwyd bod mentrau fel Mercher Llesiant wedi'u cyflwyno a bod cynlluniau tymor canolig a thymor hwy ar waith i ymdrin â hyn. Byddai staff hefyd yn cael eu hannog i ddefnyddio gwyliau blynyddol o fis Medi ymlaen pan ragwelir gostyngiad yn y galw.
|
|||||||
CWESTIWN GAN YR ATHRO IAN ROFFE “Mae pandemig Covid wedi effeithio ar bob agwedd ar fywyd, gwaith a phlismona yn Nyfed Powys, pa agweddau ar ymateb y Comisiynydd i Covid sydd fwyaf arwyddocaol yn ei farn ef y byddai am dynnu sylw atynt a pha gynlluniau sydd gan y Comisiynydd o ran ymdrin â Covid yn y tymor byr a’r tymor canolig?”
Dogfennau ychwanegol: Cofnodion: "Mae pandemig Covid wedi effeithio ar bob agwedd ar fywyd, gwaith a phlismona yn Nyfed Powys, pa agweddau ar ymateb y Comisiynydd i Covid sydd fwyaf arwyddocaol yn ei farn ef y byddai am dynnu sylw atynt a pha gynlluniau sydd gan y Comisiynydd o ran ymdrin â Covid yn y tymor byr a’r tymor canolig?”
Ymateb y Comisiynydd: Dywedodd y Comisiynydd fod adferiad yn dilyn covid yn gyfle i gyrraedd targedau cynaliadwyedd o ganlyniad i'r gostyngiad mewn teithio a'r defnydd o dechnoleg. Dywedwyd ei bod yn bwysig croesawu'r ffordd newydd o weithio drwy ddefnyddio technoleg. Dywedwyd wrth y Panel fod canolfannau amlasiantaethol ar waith a thynnodd sylw at bwysigrwydd sicrhau cydbwysedd rhwng gweithio o bell a staff yn dychwelyd i'r pencadlys.
O ran ffyrdd hyblyg o weithio, dywedodd y Comisiynydd y byddai hyn yn hybu llesiant staff pe bai'n cael ei wneud yn gywir. Cydnabuwyd bod rhywfaint o flinder 'rhithwir' a bod sicrhau cydbwysedd rhwng ffyrdd rhithwir a ffisegol o weithio yn allweddol.
Dywedwyd bod cyllid ychwanegol tymor byr wedi'i ddarparu ond bod angen cyllid a chynlluniau tymor hwy. Byddai cyllid yn gonglfaen i ddarparu gwasanaethau a nodwyd bod yr heddlu'n ceisio cyfnod cynaliadwyedd o 3 blynedd.
|
|||||||
ADRODDIAD BLYNYDDOL DRAFFT COMISIYNYDD YR HEDDLU A THROSEDDU PDF 186 KB Dogfennau ychwanegol:
Cofnodion: Bu'r Panel yn ystyried Adroddiad Blynyddol 2020/21 drafft y Comisiynydd Heddlu a Throseddu. Wrth gyflwyno ei adroddiad drafft, dywedodd y Comisiynydd fod Covid a gohirio Etholiadau Comisiynydd yr Heddlu a Throseddu 2020 wedi newid y rhaglen waith ar gyfer y flwyddyn ariannol yn sylweddol.
Tynnodd y Comisiynydd sylw at y gwaith a wnaed mewn perthynas â chanolfan llety lloches Penalun a sut y cafodd y ganolfan ei chau yn dilyn lobïo llwyddiannus gan y Swyddfa Gartref. Mynegodd aelodau'r Panel fod amodau byw'r ganolfan wedi eu harswydo.
Yn gyffredinol, roedd y Panel yn croesawu'r adroddiad a chodwyd y materion canlynol:
· Mewn ymateb i ymholiad, dywedodd y Comisiynydd fod Rheoli Troseddwyr yn Integredig yn anelu at gefnogi'r troseddwyr mwy cyffredin rhag troseddu eto. Roedd y Cynllun Dargyfeirio Troseddwyr ar gyfer troseddwyr tro cyntaf mewn ymgais i'w cadw allan o'r system cyfiawnder troseddol. · Gofynnwyd a oedd cynlluniau i gynyddu cyllid ar gyfer y Gronfa Strydoedd Diogelach. Dywedodd y Comisiynydd mai hwn oedd y 3ydd cais am y gronfa tymor byr ac mai Llanelli oedd yr unig ardal yn yr heddlu a oedd yn bodloni'r meini prawf. Rhagwelid y byddai'r Swyddfa Gartref yn parhau i gyllido'r cynllun. · Cyfeiriwyd at y ffaith nad oedd yr adroddiad yn cynnwys unrhyw beth penodol ynghylch troseddau hiliol a chaethwasiaeth fodern. Dywedodd y Comisiynydd fod y rhain yn faterion gweithredol ac felly na chyfeiriwyd atynt yn yr adroddiad blynyddol. Dywedodd hefyd fod rôl y Comisiynydd yn canolbwyntio'n bennaf ar droseddau casineb ond rhoddodd sicrwydd bod yr heddlu'n gweithio'n agos gyda Llywodraeth Cymru ynghylch caethwasiaeth fodern a bod troseddau hiliol yn flaenoriaeth allweddol i'r heddlu. · Mewn ymateb i gais am ddiweddariad ynghylch cyfiawnder adferol, dywedodd y Comisiynydd fod yr heddlu wedi ymrwymo i gyfiawnder adferol ac y bu cynnydd mewn atgyfeiriadau. · Mewn ymateb i ymholiad yngl?n â'r gweithgor cynaliadwyedd, dywedodd y Comisiynydd fod y proffil gwariant wedi'i ohirio oherwydd covid ac amodau'r farchnad. Yn ogystal, cynghorwyd y panel fod y deunyddiau sydd ar gael yn broblem. · Gofynnwyd a oedd darpariaeth ddigonol ar gael gan SARC i ddioddefwr cam-drin rhywiol. Dywedodd y Comisiynydd fod digon o gyfleusterau ar gael yn yr ardal, ond roedd hyn yn mynd i newid o ganlyniad i newid i system o ganoli gan y Bwrdd Iechyd. Bydd canolfan ym Mronglais a Bae Abertawe ond nid oedd yr amserlen ar gyfer canoli wedi'i diffinio eto. Mynegwyd pryder ynghylch canoli a'r effaith y byddai teithio yn ei chael ar ddioddefwyr.
Gofynnodd y Cadeirydd i'r Comisiynydd estyn diolch a gwerthfawrogiad y Panel i'w holl staff a staff yr heddlu am y gwaith yr oeddent wedi'i wneud dros y misoedd diwethaf.
PENDERFYNWYD derbyn yr adroddiad blynyddol drafft.
|
|||||||
COFNODI TROSEDDAU Y RHODDWYD GWYBOD AMDANYNT PDF 284 KB Dogfennau ychwanegol:
Cofnodion: Ystyriodd y Panel adroddiad yn manylu ar ymateb y Comisiynydd i'r hysbysiad gan Arolygiaeth Cwnstabliaeth a Gwasanaethau Tân ac Achub Ei Mawrhydi (HMICFRS) y bydd yn cyhoeddi Achos Pryder mewn perthynas ag Uniondeb Data Troseddu (CDI) ar 7 Mai 2021.
Dywedodd y Comisiynydd fod yr adroddiad yn rhoi'r wybodaeth ddiweddaraf am y gwaith a wnaed i liniaru'r materion a nodwyd.
Mewn ymateb i ymholiad, dywedodd y Comisiynydd fod yr heddlu'n defnyddio system rheoli cofnodion fewnol ond ei fod wedi symud i system rheoli cofnodion o'r enw Niche a oedd eisoes yn cael ei defnyddio gan heddluoedd eraill. Cydnabuwyd na fyddai system rheoli cofnodion yn datrys yr holl broblemau a nodwyd a'i bod yn bwysig bod gan y staff, ar y pwynt cyswllt cyntaf, y sgiliau priodol i raddio'r galwadau'n gywir.
Gofynnwyd a roddwyd ystyriaeth i ddefnyddio dull tebyg i Swydd Lincoln o ran ymgynghoriadau cyhoeddus a thrydydd sector. Dywedodd y Comisiynydd yr ymgynghorwyd â phartneriaid, fodd bynnag, nid i gyd ar yr un pryd. Dywedodd y byddai diweddariad yn cael ei ddarparu yn y cyfarfod nesaf.
PENDERFYNWYD nodi'r adroddiad.
|
|||||||
IECHYD MEDDWL A PHLISMONA PDF 352 KB Dogfennau ychwanegol: Cofnodion: Yn ei adroddiad blynyddol ar gyfer 2020-2021, penderfynodd Panel Heddlu a Throseddu Dyfed-Powys gynnal ymchwiliad i sut yr aeth Comisiynydd Heddlu a Throseddu Dyfed-Powys i'r afael â mater Iechyd Meddwl a Phlismona. Sefydlodd y panel is-gr?p i gynnal yr ymchwiliad hwn.
Ystyriodd y Panel yr adroddiad yn manylu ar ganlyniad yr ymchwiliad. Dywedwyd wrth y Panel fod yr is-gr?p wedi'i argyhoeddi bod sylw dyledus wedi'i roi i Iechyd Meddwl a Phlismona yng Nghynllun yr Heddlu a Throseddu.
Dywedwyd wrth y Panel fod lle i wella o hyd ond roedd o'r farn bod Heddlu Dyfed-Powys cystal â heddluoedd eraill ac y byddai cynnal gwaith partneriaeth yn helpu hyn.
Dywedodd y Comisiynydd ei fod yn derbyn argymhellion yr adroddiad yn llwyr a phwysleisiodd fod y mater yn flaenoriaeth.
PENDERFYNWYD nodi'r adroddiad.
[SYLWER: Cafodd y Pwyllgor egwyl am 12.50pm, cyn ailgynnull am 2.00pm.]
|
|||||||
PENDERFYNIADAU A WNAED GAN Y COMISIYNYDD PDF 203 KB Dogfennau ychwanegol: Cofnodion: Bu'r Panel yn ystyried adroddiad ynghylch y penderfyniadau a wnaed gan y Comisiynydd yn ystod y cyfnod rhwng 9 Chwefror 2021 a 22 Gorffennaf 2021.
Mewn ymateb i gais i'r panel weld fideo'r Llysgennad Ieuenctid ar Brofiadau Pobl Ifanc o'r Heddlu, dywedodd y Comisiynydd y gellid gwneud trefniadau i'r Panel weld y fideo yn yr Hydref pan oedd cyfyngiadau covid wedi'u llacio.
Mewn ymateb i gais am ddiweddariad ynghylch prynu tir yn Nafen, dywedodd y Comisiynydd fod y prosiect ar hyn o bryd yng ngham 5 RIBA ac yn agos at benderfynu ar y pris terfynol a'r contract masnachol ar gyfer cyflawni. Byddai amserlen fanylach ar gael ar gyfer cyfarfod nesaf y Panel.
PENDERFYNWYD nodi'r adroddiad.
|
|||||||
PROTOCOL PLISMONA - ADRODDIAD PERFFORMIAD PDF 377 KB YN DILYN EITEM RHIF 11 AR YR AGENDA (OND NID YN HWYRACH NA 12.30 P.M.) BYDD Y CYFARFOD YN CAEL EI OHIRIO TAN 2.00 P.M.
BYDD Y CYFARFOD YN AILYMGYNNULL AM 2.00 P.M. ER MWYN YSTYRIED GWEDDILL Y FUSNES AR YR AGENDA.
Dogfennau ychwanegol: Cofnodion: Nododd y Panel yr adroddiad perfformiad mewn perthynas â'r Protocol Plismona.
Gan fod yr adroddiad yn ddyddiedig Chwarter 4 2020/21, cytunwyd y byddai adroddiad mwy cyfredol yn cael ei gyflwyno i'r Pwyllgor ei ystyried mewn cyfarfod yn y dyfodol.
PENDERFYNWYD nodi'r adroddiad.
|
|||||||
PENODI PRIF GWNSTABL PDF 298 KB Dogfennau ychwanegol:
Cofnodion: [SYLWER: Roedd y Cynghorydd H. Thomas wedi datgan buddiant ar ddechrau'r eitem hon].
Estynnodd y Cadeirydd groeso i Mr Richard Lewis, sef yr ymgeisydd oedd yn cael ei ffafrio gan y Comisiynydd ar gyfer swydd Prif Gwnstabl Heddlu Dyfed-Powys.
Wedi hynny, derbyniodd y Panel adroddiad mewn perthynas â phenodi'r ymgeisydd a ffefrir ar gyfer swydd Prif Gwnstabl Heddlu Dyfed-Powys.
Yna bu'r Panel yn cyfweld â Mr Richard Lewis gan ofyn cyfres o gwestiynau ynghylch ei fedrusrwydd proffesiynol er mwyn cloriannu ei addasrwydd i gyflawni'r rôl, yn dilyn hyn cytunwyd i nodi penodiad Mr Lewis i rôl Prif Gwnstabl Heddlu Dyfed-Powys
Ar ran y Panel, diolchodd y Cadeirydd hefyd i Claire Parmenter, y Prif Gwnstabl Dros Dro, am ei gwaith ar gyfer heddlu Dyfed-Powys.
PENDERFYNWYD YN UNFRYDOL nodi penodiad Mr Richard Lewis fel Prif Gwnstabl Heddlu Dyfed-Powys a'i groesawu i'r rôl.
|
Cyngor a Democratiaeth
Y Cyngor
Cynghorwyr, ACau ac ASau
- Eich Cynghorydd Sir
- Strategaeth Cyfranogiad y Cyhoedd a'r Cynllun Deiseb
- Lwfansau a buddiannau cynghorwyr
- Cynghorwyr Tref a Chymuned
- Aelodau Senedd Cymru
- Aelodau Seneddol
- Sut mae bod yn Gynghorydd
Adrannau'r Cyngor
Dweud eich dweud
- Prif Gynllun Teithio Llesol Y Tymbl
- Strategaeth Hamdden 2023-33 ymgynghoriad cymunedol
- Ymgynghoriad ar y gyllideb 2024
- Polisi codi tâl am wasanaethau gofal cymdeithasol
- Polisi Dyrannu Tai Cymdeithasol
- Strategaeth Leol ar gyfer Perygl Llifogydd 2024-2030
- Asesiad Rheoliadau Cynefinoedd ar gyfer yr Ail Gynllun Datblygu Lleol Diwygiedig Adneuo 2018-2033
- Arfarniad Cynaliadwyedd Integredig ar gyfer yr Ail Gynllun Datblygu Lleol Diwygiedig Adneuo 2018-2033
- Strategaeth y Rhaglen Moderneiddio Addysg
- Strategaeth Cyfleusterau Cyhoeddus Sir Gaerfyrddin
- Creu Sir Gaerfyrddin Ddigidol
- Holiadur Preswylwyr Sir Gâr 2023
- Ymgynghoriad ynghylch Polisi Plant sy'n Codi'n 4 Oed Ysgolion Cynradd 2025/26
Pwyllgorau a Chyfarfodydd
- Agendâu a chofnodion
- Pwyllgor Llywodraethu ac Archwilio
- Dyddiadur y Cyngor
- Pwyllgor Gwasanaethau Democrataidd
- Y Cabinet
- Penderfyniadau swyddogion
- Blaengynlluniau Waith
- Pwyllgor Cynllunio
- Craffu
- Pwyllgor Safonau
- Cyngor Ymgynghorol Sefydlog dros Addysg Grefyddol (CYSAG)
Strategaethau a chynlluniau
- Cynllun Cyflenwi Tai Fforddiadwy 2016 - 20
- Datganiad Gweledigaeth y Cabinet 2022 - 2027 (Gorffennaf 2022)
- Strategaeth Drawsnewid Cyngor Sir Caerfyrddin
- Polisi Diogelu Corfforaethol
- Strategaeth Ddigidol ar gyfer Ysgolion 2018 - 2021
- Strategaeth Technoleg Ddigidol 2018 - 2021
- Strategaeth Trawsnewid Digidol
- Cymorth i Deuluoedd Sir Gaerfyrddin 2018-23
- Gwybodaeth ddiweddaraf am wasanaeth Llyfrgelloedd - Symud ymlaen 2017 - 2025
- Strategaeth y Rhaglen Moderneiddio Addysg (1)
- Symud Sir Gâr Wledig Ymlaen
- Cynllun Cydraddoldeb Strategol
- Cynllun Trechu Tlodi 2023
- Strategaeth Hybu’r Gymraeg
- Safonau’r Gymraeg
- Adroddiad Blynyddol y Gymraeg
Y Cyllideb y Cyngor
Cyllideb y Cyngor
- Crynhoad Cyllideb
- Datganiad Cyfrifon
- Cronfa Bensiwn Dyfed
- Ein Rhanbarth ar Waith (ERW)
- Bargen Ddinesig Bae Abertawe
- Ffyrdd syml i arbed arian i'r Cyngor
Perfformiad y Cyngor
- Rheoli Perfformiad
- Archwiliadau, Arolygiadau ac Adroddiadau
- Y Ddeddf Llesiant Cenedlaethau’r Dyfodol
- Adroddiad Blynyddol y Cyngor 2022-23
Hysbysiadau cyhoeddus
Canllawiau Brexit
Iaith Gymraeg
Carbon Sero-net
Cydraddoldeb ac Amrywiaeth
Cyfamod Lluoedd Arfog
Etholiadau a Phleidleisio
- Etholiadau Lleol 2022
- Pleidleisio
- Bod yn gymwys i bleidleisio
- Sut mae pleidleisio?
- Newidiadau i bleidleisio drwy'r post a phleidleisio drwy ddirprwy
- Cofrestru i bleidleisio
- Diweddaru eich manylion ar y Gofrestr Etholiadol
- Diweddariad blynyddol o'r gofrestr pleidleiswyr
- Sut i optio allan o'r gofrestr agored
- Gweld y Gofrestr Etholiadol
- Is-etholiadau
- Fy Un Agosaf - Gwybodaeth etholiadol
- Etholiadau Senedd Cymru
- Etholiadau'r Comisiynydd Heddlu a Throseddu 2024
- Etholiad Cyffredinol Seneddol 2019
- Help i Bleidleiswyr Anabl
- Adolygiad o Ffiniau Seneddol
- Prawf Adnabod Pleidleisiwr
- Adolygiad Cymunedol 2023
- Adolygiad o Ddosbarthau Pleidleisio a Mannau Pleidleisio
- Recriwtio ar gyfer etholiadau
Mwy ynghylch Cyngor a Democratiaeth