Agenda a Chofnodion

Derbyniwyd ymddiheuriadau am absenoldeb gan y Cynghorwyr K. Howell (Cyngor Sir Caerfyrddin), M. James (Cyngor Sir Penfro) a S. Joseph (Cyngor Sir Penfro).

Ni chafwyd dim datganiadau o fuddiant personol.

Dywedodd y Cadeirydd nad oedd dim cwestiynau wedi dod i law gan Aelodau'r Panel.

Dywedodd y Cadeirydd nad oedd dim cwestiynau wedi dod i law gan y cyhoedd.

Dywedodd y Cadeirydd wrth y Panel fod eitem 5 ar agenda cyfarfod y diwrnod hwnnw yn ymwneud â rôl y Panel o ran cadarnhau penodiad gan Gomisiynydd Heddlu a Throseddu Dyfed-Powys i swydd Prif Swyddog Ariannol. Er y byddai'r Panel yn cyfweld â'r ymgeisydd llwyddiannus, dywedodd taw'r unig beth y byddai'r Panel yn gallu ei wneud oedd cadarnhau'r penodiad gan nad oedd gan y Panel b?er i roi feto. Er hynny, os oedd yn briodol, gallai roi argymhellion/sylwadau ar y penodiad hwnnw i'r Comisiynydd.

Aeth y Panel ati i gyfweld â'r ymgeisydd llwyddiannus, Ms. B. Peatling, a oedd wedi ei phenodi'n Brif Swyddog Ariannol.

Ar hynny diolchodd y Cadeirydd i Ms. Peatling am ddod. Yn dilyn hyn, gadawodd y cyfarfod gyda chynrychiolwyr eraill y Comisiynydd Heddlu a Throseddu.

PENDERFYNWYD YN UNFRYDOL gadarnhau'r penodiad canlynol oedd wedi ei wneud gan Gomisiynydd Heddlu a Throseddu Dyfed-Powys:

Ms.B. Peatling - Prif Swyddog Ariannol.

Galwyd Ms. Peatling a chynrychiolwyr eraill y Comisiynydd Heddlu a Throseddu yn ôl i'r cyfarfod er mwyn rhoi gwybod iddi am benderfyniad y Panel.  Estynnodd y Cadeirydd longyfarchiadau iddi hi ar gael ei phenodi, a dymunodd bob llwyddiant iddi yn ei swydd.

Cafodd y Panel adroddiad, er gwybodaeth, a oedd yn manylu ar benderfyniadau'r Comisiynydd Heddlu a Throseddu ynghylch ailstrwythuro ei Swyddfa er mwyn sicrhau y rhoddir cefnogaeth effeithlon ac effeithiol iddo gyflawni ei gyfrifoldebau statudol.

Roedd y canlynol ymhlith y cwestiynau/materion a godwyd ynghylch yr adroddiad:-

·         Mewn ymateb i sylw, dywedodd y Comisiynydd fod pob ymdrech yn cael ei gwneud i sicrhau bod y cyflenwyr a'r gwasanaethau yn cael eu caffael o fewn ardal Dyfed-Powys;

·         dywedodd y Comisiynydd y byddai'n gwneud ei orau i fanteisio ar bob cyfle i hyrwyddo gwaith y Panel;

·         estynnodd y Comisiynydd wahoddiad i'r Panel ymweld â'i swyddfeydd a'i staff pan fo hynny'n gyfleus;

·         eglurodd y Comisiynydd y rhesymau dros benodi y Prif Swyddog Ariannol newydd yn rhan amser, a oedd yn cynnwys cael swyddog penodedig yn hytrach na rhannu'r swydd yn llawn amser gyda'r heddlu, oherwydd gallai gwrthdaro buddiannau godi.

PENDERFYNWYD YN UNFRYDOL dderbyn yr adroddiad.

Rhoddwyd gwybod i'r Panel y byddai'r Rheoliad Diogelu Data Cyffredinol yn dod i rym ym mis Mai 2018, yn lle gofynion y Ddeddf Diogelu Data. Cofrestrwyd Paneli Heddlu a Throseddu fel rheolwyr data ar wahân gyda'r Comisiynwyr Gwybodaeth ac felly mae'n rhaid iddynt gydymffurfio â gofynion y Rheoliad. Roedd yn ofynnol i'r Panel weithredu mesurau sefydliadol a thechnegol priodol a oedd yn sicrhau ac yn dangos bod y Panel yn cydymffurfio â'r rheoliad. Mewn gwirionedd, nid oedd y Panel yn cadw neu brosesu unrhyw ddata personol ei hunan, ac roedd unrhyw weithgaredd o'r fath yn cael ei gyflawni drwy'r awdurdod cynnal. Roedd cofnodion y Panel yn cael eu cadw yn swyddfeydd yr Awdurdod hwnnw, a oedd yn cefnogi'r gwaith o weithredu gwefan y Panel.

PENDERFYNWYD YN UNFRYDOL fabwysiadu a gweithredu yn unol â pholisïau a gweithdrefnau Diogelu Data yr awdurdod cynnal, sy'n bodoli o dro i dro.