Agenda a Chofnodion

Ni ddatganwyd unrhyw fuddiannau personol.

PENDERFYNWYD llofnodi bod cofnod penderfyniadau'r cyfarfod a gynhaliwyd ar 19 Gorffennaf 2018 yn gofnod cywir.

Ystyriodd yr Aelod o'r Bwrdd Gweithredol adroddiad oedd yn manylu ar effaith bosibl newidiadau Llywodraeth Cymru i'r "Cap" ar daliadau am wasanaethau dibreswyl a'r angen felly i daliadau gynyddu yn Sir Gaerfyrddin er mwyn parhau i sicrhau'r incwm mwyaf posibl. Nodwyd y byddai'r incwm ychwanegol ar gyfer 2019-2020 yn £21,000 petai'r taliadau am wasanaethau yn cael eu pennu i sicrhau'r incwm mwyaf posibl. Yn y blynyddoedd nesaf byddai'r Awdurdod yn cael incwm ychwanegol o hyd at £48,000 yn 2020-21 a £88,000 yn 2021-2022 petai'r "Cap" yn parhau i gynyddu £10 y flwyddyn y tu hwnt i 2021. Byddai hyn yn arwain at gynnydd posibl mewn incwm o £157,000 dros 3 blynedd. Roedd y rhagdybiaethau hyn wedi cael eu hystyried o ran yr arbedion/incwm sydd eu hangen i greu cyllideb gytbwys yn y blynyddoedd nesaf.  Petai'r cynnydd arfaethedig mewn taliadau yn cael ei gymeradwyo byddai cyfradd fesul awr Sir Gaerfyrddin yn parhau i fod ymhlith yr isaf yng Nghymru.

PENDERFYNWYD bod Sir Gaerfyrddin yn cynyddu'r taliadau dibreswyl am wasanaethau y codir tâl amdanynt fesul awr o £10.80 i £14.00 (29.63%) a chynyddu'r taliadau am Ofal Dydd a Lleoli Oedolion o £10.55 i £13.70 (29.86%) er mwyn adennill costau yn llawn ar gyfer 2019-20, ac alinio cyfraddau ag awdurdodau lleol eraill yng Nghymru ac yn enwedig er mwyn symud yn agosach at Awdurdodau Lleol rhanbarthol.