Agenda a Chofnodion
Lleoliad: Siambr a Rhag-Ystafell, - 3 Heol Spilman, Caerfyrddin. SA31 1LE.. Cyfarwyddiadau
Cyswllt: Catherine Gadd
Rhif | eitem | ||||||||||||
---|---|---|---|---|---|---|---|---|---|---|---|---|---|
YMDDIHEURIADAU A MATERION ERAILL Cofnodion: Cafwydymddiheuriadau am absenoldeb gan y Cynghorwyr B.A.L. Roberts ac E.G. Thomas.
Estynnodd y Cadeirydd groeso i’r Aelod newydd o’r Pwyllgor, y Cynghorydd Jeff Owen, a’r Swyddog Gwasanaethau Democrataidd newydd, Catherine Gadd, i’w cyfarfod cyntaf o’r Pwyllgor Craffu Gofal Cymdeithasol ac Iechyd. |
|||||||||||||
DATGAN BUDDIANNAU PERSONOL Cofnodion:
|
|||||||||||||
DATGAN CHWIP WAHARDDEDIG Cofnodion: Ni chafwyd dim datganiadau ynghylch chwip waharddedig. |
|||||||||||||
CWESTIYNAU GAN Y CYHOEDD (NID OEDD DIM WEDI DOD I LAW) Cofnodion: Hysbysodd y Cadeirydd nad oedd unrhyw gwestiynau gan y cyhoedd wedi dod i law. |
|||||||||||||
EITEMAU AR GYFER Y DYFODOL PDF 70 KB Cofnodion: PENDERFYNWYD nodi’r rhestr o eitemau ar gyfer y dyfodol a fyddai’n cael eu hystyried yn y cyfarfod nesaf oedd i’w gynnal ar ddydd Llun 12 Rhagfyr 2016. |
|||||||||||||
MENTRAU'R ADAIN SAFONAU MASNACHU I DDIOGELU DINASYDDION OEDRANNUS AC AGORED I NIWED PDF 221 KB Dogfennau ychwanegol: Cofnodion: Rhoddodd y Pwyllgor ystyriaeth i adroddiad a chyflwyniad a oedd yn rhoi diweddariad ar gynnydd a datblygiad menter a oedd wedi’i bwriadu i gynnal a gwella ansawdd bywyd dinasyddion gartref a gwella gwydnwch cymunedau trwy leihau achosion o gamfanteisio ariannol ar oedolion agored i niwed.
Cafodd y Cynllun Diogelu rhag Camfanteisio Ariannol ei greu fel cynllun amlasiantaeth a’i ddatblygu gan Adain Safonau Masnach Sir Gaerfyrddin. Fe ymrwymodd sefydliadau/adrannau i’r cynllun cyfranogiad gwirfoddol dwyochrog hwn i gydweithio i ddatblygu polisïau a gweithdrefnau diogelu ac atgyfeirio dioddefwyr camfanteisio ariannol. Nodwyd fod y cynllun yn cael ei gyllido ag arian a oedd wedi cael ei atafaelu oddi ar droseddwyr a’i fod wedi cael cydnabyddiaeth genedlaethol am y gwaith a wnaed. Mae’r cynllun yn tanategu ac yn dwyn ynghyd bortffolio presennol Adain Safonau Masnach Sir Gaerfyrddin o fesurau diogelu ymarferol, a amlinellwyd i’r Pwyllgor. Hefyd, darparwyd astudiaethau achos a oedd yn amlygu gwaith y cynllun.
Gofynnwyd a fu llwyddiant o ran dod o hyd i’r bobl sy’n gyfrifol am redeg sgamiau ac a oeddent wedi cael eu herlyn. Eglurodd y Swyddog Arweiniol Safonau Masnach ei bod yn aml yn anodd dod o hyd i’r bobl sy’n gyfrifol, ond bod achosion yn cael eu llunio er mwyn eu herlyn lle bynnag yr oedd yn bosibl.
Nododd y Pwyllgor mai Barclays a Halifax oedd yr unig fanciau a oedd wedi ymrwymo’n swyddogol i’r Fenter Dyled ac Iechyd Meddwl a gofynnwyd pam nad oedd banciau eraill wedi gwneud. Rhoddodd y Swyddog wybod i’r Pwyllgor bod gan ganghennau lleol o fanciau eraill ddiddordeb a’u bod yn rhoi gwybodaeth iddynt yn anffurfiol am bryderon, ond bod yn rhaid i’r cytundeb swyddogol gael ei lofnodi gan bencadlysoedd a bod y rhain i’w gweld yn gyndyn.
Mynegwyd pryderon ynghylch y cynnydd mewn gwerthu ar drothwy’r drws a’r ffaith bod pobl h?n yn arbennig o agored i niwed oherwydd hyn. Gofynnwyd sut y gallai tasgmyn a garddwyr gofrestru i fod ar y rhestr gofrestredig a sut y gallai preswylwyr gael copi o’r rhestr. Cafodd y prosesau cofrestru eu hamlinellu, ac roeddent yn cynnwys gorfod cytuno i weithredu’n deg a chael gwiriad y Gwasanaeth Datgelu a Gwahardd. Roedd y Swyddog yn cydnabod bod angen hyrwyddo’r cynllun yn fwy ac eglurwyd y gallai pobl lawrlwytho’r rhestr o wefan y Cyngor neu ffonio’r ganolfan gyswllt er mwyn i gopi gael ei anfon atynt. Byddai gan y bobl gofrestredig gerdyn hefyd i dystio eu bod yn rhan o’r cynllun. Cadarnhawyd fod y Gwasanaeth yn rhan o gynllun tebyg a oedd yn cael ei gynnal gan y gwasanaeth Gofal a Thrwsio. Roedd y Pwyllgor yn cytuno y dylid gwneud gwaith pellach i roi cyhoeddusrwydd i’r Cynllun Tasgmyn a Garddwyr Cofrestredig a’i hyrwyddo yn ystod 2017. Roedd enghreifftiau o’r modd y gellid hyrwyddo’r cynllun yn cynnwys hysbysebu mewn papurau newydd lleol a chyda grwpiau 50 a throsodd.
Fe wnaeth Pennaeth Y Gwasanaethau Integredig amlygu’r fenter Gwneud i Bob Cyswllt Gyfrif a oedd yn bodoli. Roedd y fenter yn canolbwyntio ar bobl h?n a chamau gan wasanaethau ... Gweld y cofnodion lawn ar gyfer eitem 6. |
|||||||||||||
GWASANAETHAU POBL HYN - GOFAL YCHWANEGOL PDF 294 KB Dogfennau ychwanegol: Cofnodion: [SYLWER: Roedd y Cynghorwyr K. Madge, E. Morgan a J. Williams oll wedi datgan buddiannau yn yr eitem hon yn gynharach.]
Rhoddodd y Pwyllgor ystyriaeth i’r adroddiad ar Ofal Ychwanegol gan y Gwasanaethau Pobl H?n, a oedd yn rhoi diweddariad ar y ddarpariaeth yn y Sir. Roedd pedwar cynllun yn y Sir ar hyn o bryd: Cartref Cynnes (Tref Ioan), T? Dyffryn (Rhydaman), Plas Y Môr (Porth Tywyn) a Chwm Aur (Llanybydder). Nodwyd mai mantais Gofal Ychwanegol oedd ei fod yn rhoi “cartref am oes” gan alluogi pobl h?n i barhau i fyw’n annibynnol ac atal yr angen i symud i fathau eraill o ofal pe bai asesiad yn dangos bod eu hanghenion wedi newid yn y dyfodol. Amlygwyd fod Cynlluniau Gofal Ychwanegol yn rhoi opsiwn arall i bobl a’u bod yn profi’n ddewis poblogaidd. Mae’r cynlluniau’n darparu cymunedau ffyniannus gan fod cymysgedd o bobl sy’n byw yn y lleoliadau. Nodwyd fod y cyfraddau meddiannaeth yn uchel ar gyfer tri o’r cynlluniau; fodd bynnag, yng Nghwm Aur yn Llanybydder cafwyd mwy o anhawster llenwi’r fflatiau.
Fe amlygodd y Pwyllgor mai 50 a throsodd oedd yr oedran ar gyfer cael mynediad at y cynllun a gofynnodd a oedd yr oedran hwn yn rhy ifanc. Eglurodd swyddogion fod y preswylwyr a oedd yn dewis yr opsiwn hwn yn yr ystod oedran honno’n tueddu i fod ag anableddau ac nad oeddent yn dymuno atal y gr?p yma rhag cael mynediad at y cynlluniau.
Roedd y Pwyllgor yn cymeradwyo’r cynllun a’r manteision cadarnhaol a oedd yn deillio ohono. Nodwyd nad oedd cynllun yn ardal Llanelli, sef yr ardal fwyaf yn y Sir. Nodwyd fod cynigion ar gyfer cynllun yn yr ardal; fodd bynnag, roedd wedi cymryd peth amser i’w ddatblygu a gofynnwyd am fwy o fanylion. Eglurodd Pennaeth y Gwasanaethau Integredig ei fod yn rhan o’r rhaglen ARCH ac y byddai trafodaethau cynnar yn digwydd gyda rhanddeiliaid lleol ynghylch datblygu cynllun yn Llanelli. Awgrymwyd fod y Rheolwr Rhaglen ar gyfer Prosiect ARCH yn cyflwyno gwybodaeth, gan gynnwys graddfeydd amser, i gyfarfod y Pwyllgor hwn ym mis Ionawr fel rhan o’r diweddariad ar y rhaglen ARCH. Amlygwyd fod y £7m a oedd wedi’i ddyrannu i’r Cynllun yn dal i fod wedi’i ddyrannu i’r prosiect.
Mynegodd y Pwyllgor bryderon ynghylch un o’r enwau a oedd yn cael eu hawgrymu, y niwrobentref, ar gyfer y cynllun yn ardal Llanelli. Cawsant eu sicrhau nad oedd yr enw’n opsiwn mwyach. Mynegwyd pryder hefyd fod safle Llynnoedd Delta a oedd yn cael ei awgrymu ar gyfer y cynllun hwn yn rhy ynysig. Nodwyd y byddai rhagor o wybodaeth ynghylch y safle arfaethedig a sut y byddai’n cael ei ddatblygu’n cael ei chynnwys yn y cyflwyniad yng nghyfarfod mis Ionawr.
Amlygwyd fod cynigion wedi bod am bwll hydrotherapi yn Llanelli a gofynnwyd pa gynnydd oedd wedi cael ei wneud gyda hyn. Eglurodd Pennaeth y Gwasanaethau Integredig fod hwn yn dal yn opsiwn a bod trafodaethau cynnar wedi bod ynghylch y lleoliad gorau.
Gofynnodd y Pwyllgor beth ... Gweld y cofnodion lawn ar gyfer eitem 7. |
|||||||||||||
FFRAMWAITH COMISIYNU GOFAL CARTREF PDF 182 KB Dogfennau ychwanegol: Cofnodion: [SYLWER: Roedd y Cynghorwyr K. Madge, E. Morgan a J. Williams oll wedi datgan buddiannau yn yr eitem hon yn gynharach.]
Rhoddodd y Pwyllgor ystyriaeth i adroddiad am drefniadau comisiynu’r Awdurdod ar gyfer gofal cartref a oedd yn nodi canfyddiadau adolygiad cenedlaethol Arolygiaeth Gofal a Gwasanaethau Cymdeithasol Cymru (AGGCC) o ofal cartref yng Nghymru (Hydref 2016). Roedd yr Awdurdod yn fodlon ar y modd yr oedd y contract a’r fanyleb gwasanaeth newydd yn cael eu gweithredu. Cyflwynwyd chwe elfen ac roedd llawer o’r rhain wedi cael eu hadnabod yn yr Adolygiad Cenedlaethol fel gwelliannau a awgrymir. Cafwyd adborth cadarnhaol gan y rhai a oedd yn rhan o’r ffordd newydd o weithio a chymeradwyaeth gan AGGCC yn rhanbarthol ac yn genedlaethol i’r dull comisiynu a ddefnyddiwyd.
Roedd y Pwyllgor yn blês gyda’r adroddiad arolygu cadarnhaol a’r ffaith bod y Cyngor eisoes yn gweithredu’r gwelliannau a awgrymwyd yn yr adolygiad cenedlaethol. Gofynnwyd pa feysydd oedd wedi cael eu hadnabod ar gyfer y Cyngor fel y rhai yr oedd angen eu gwella a sut yr oedd y Cyngor yn ymdrin â’r rhain. Eglurodd swyddogion nad oeddent yn feysydd mawr i’w gwella a bod cynllun gweithredu wedi cael ei ddatblygu i fynd i’r afael â hwy. Cytunwyd y byddai’r cynllun gweithredu’n cael ei gylchredeg i’r Pwyllgor er gwybodaeth.
Gofynnodd y Pwyllgor a oedd y Gwasanaeth wedi paratoi ar gyfer pwysau cynyddol dros gyfnod y gaeaf, er enghraifft sicrhau bod lefelau staffio digonol. Cadarnhawyd fod paratoadau wedi cael eu gwneud gyda chodiadau yn y cyllid ar gyfer gofal canolradd a bod cyfraddau blocio gwelyau wedi cael eu lleihau’n sylweddol. Hefyd, roedd y Gwasanaeth yn ystyried comisiynu gwelyau ychwanegol ar gyfer achosion camu i lawr a chamu i fyny. O ran staff ychwanegol eglurodd Pennaeth y Gwasanaethau Integredig a’r Swyddog Contractau fod recriwtio’n her ar lefel genedlaethol a bod cadw staff bron â bod yn fwy o bryder. Roedd y Gwasanaeth yn cydweithio’n agos gyda phartneriaid ar strategaethau i ddatblygu llwybrau gyrfa fel cynllun hirdymor. Roeddent yn gweithio gyda cholegau ac ysgolion i hyrwyddo’r sector gofal fel gyrfa a nodwyd fod Prifysgol Abertawe yn ystyried rhedeg diploma mewn gofal iechyd. Roedd y Pwyllgor yn cefnogi mentrau i gadw staff gofal gan fod parhad yn bwysig i bobl sy’n cael gofal.
Gofynnodd y Pwyllgor a oedd gwelliannau wedi cael eu gwneud i gynorthwyo gofalwyr yn ei rolau. Eglurwyd fod mwy o hyblygrwydd bellach a bod gwelliannau wedi cael eu gwneud i waith amser a thasgau fel nad oedd staff wedi’u cyfyngu i amser a bod gan y defnyddiwr gwasanaethau fwy o reolaeth dros y math o gymorth y mae’n ei gael. Roedd amser teithio wedi cael ei ystyried hefyd. Nodwyd fod newid sylweddol wedi bod ac y byddai’n cymryd amser i ymwreiddio.
Gofynnwyd beth oedd ystyr y frawddeg “hold the ring across social Services, procurement and Finance departmants”. Eglurodd y Pennaeth Gofal Integredig ei fod yn golygu arwain y gwasanaethau hynny a gofynnwyd am newid y geiriad fel ei fod yn fwy dealladwy.
PENDERFYNWYD ... Gweld y cofnodion lawn ar gyfer eitem 8. |
|||||||||||||
STRATEGAETH IAITH GYMRAEG GOFAL CYMDEITHASOL PDF 287 KB Cofnodion: [SYLWER: Roedd y Cynghorwyr K. Madge, E. Morgan a J. Williams oll wedi datgan buddiannau yn yr eitem hon yn gynharach.]
Rhoddodd y Pwyllgor ystyriaeth i adroddiad a oedd yn rhoi diweddariad ar gynnydd o ran gweithredu Fframwaith Strategol “Mwy Na Geiriau” Llywodraeth Cymru a gwybodaeth am y sefyllfa o ran casglu data ynghylch sgiliau iaith Gymraeg y gweithlu gofal cymdeithasol.
Eglurodd Pennaeth y Gwasanaethau Integredig mai papur dros dro ydoedd gan fod data allweddol yn cael ei gasglu ac y byddai adroddiad manylach yn cael ei gyflwyno i’r Pwyllgor ym mis Ionawr 2017. Byddai’r data a oedd wedi cael ei gasglu’n ddefnyddiol yn yr ymarfer mapio a byddai’n rhoi darlun ehangach o sgiliau iaith y gweithlu. Nodwyd fod y gwasanaeth Llinell Ofal newydd yn cynnwys 85% o siaradwyr Cymraeg a’i fod yn bwynt cyswllt cyntaf.
Mynegodd y Pwyllgor bryderon ei bod yn anodd recriwtio uwch swyddogion â sgiliau iaith Gymraeg a’r arbenigedd cywir. Amlygwyd fod y cynllun gweithredu’n seiliedig i raddau helaeth ar dargedau i ymgyrraedd atynt a gofynnwyd am fwy o wybodaeth yn yr adroddiad manylach, pan fyddai’n cael ei gyflwyno i’r Pwyllgor, i ddynodi pa un a oedd y camau gweithredu’n rhai y gellid eu cyflawni ai peidio.
PENDERFYNWYD YN UNFRYDOL derbyn yr adroddiad. |
|||||||||||||
GWASANAETHAU POBL HYN - Y GALW A'R GYLLIDEB PDF 360 KB Dogfennau ychwanegol: Cofnodion: [SYLWER: Roedd y Cynghorwyr K. Madge, E. Morgan a J. Williams oll wedi datgan buddiannau yn yr eitem hon yn gynharach.]
Cafodd y Pwyllgor adroddiad ar y modd yr oedd yr Adain Pobl H?n ac Anableddau Corfforol yn rheoli’r lefel uchel o alw am wasanaethau. Roedd yn darparu nifer o gynigion i leihau costau a chynyddu incwm er mwyn rheoli’r galw o fewn cyllideb y gwasanaeth. Amlygwyd y byddai’r boblogaeth a oedd yn mynd yn h?n ac yn h?n yn creu heriau o ran ateb y galw am wasanaethau cymdeithasol yn y dyfodol ac roedd cynnydd o tua 3% yn y galw bob blwyddyn. Cafodd y camau gweithredu penodol o ran y gyllideb eu hamlinellu wrth y Pwyllgor a nod y Gwasanaeth oedd cynorthwyo pobl i barhau i fod yn annibynnol am gyhyd â phosibl.
Roedd y Pwyllgor yn cydnabod yr angen i leihau cyllidebau a mynegodd bryderon y gallai rhai o’r camau gweithredu gael effaith anffafriol ar ddefnyddwyr gwasanaethau a staff. Rhoddodd Pennaeth y Gwasanaethau Integredig sicrwydd y byddai unrhyw newidiadau’n gymesur ac yn ddiogel ac y byddai anghenion unigol yn cael sylw. Amlygwyd fod ffocws amlddisgyblaethol wedi bod o gymorth i fynd i’r afael â’r galw a bod gwahanol ddulliau asesu wedi galluogi pobl i barhau i fod yn annibynnol am yn hwy.
Nodwyd fod y gair “reduce” ar goll o’r frawddeg ar dudalen 55 – d): “Re-aligning service resources to demand for night care in the community and extra care, saving £200k over the next 2 years”.
Gofynnwyd sut yr oedd disgwyl cael incwm ychwanegol o £50K dros ddwy flynedd o welyau ychwanegol yng nghartrefi gofal yr awdurdod lleol fel a oedd wedi’i nodi dan y camau gweithredu penodol o ran y gyllideb. Nid oedd swyddogion yn sicr ynghylch manylion y cynigion ac roeddent yn mynd i ganfod yr wybodaeth hon a’i chylchredeg i’r Pwyllgor.
PENDERFYNWYD YN UNFRYDOL derbyn yr adroddiad.
|
|||||||||||||
ADRODDIAD HANNER BLWYDDYN CWYNION A CHANMOLIAETH PDF 133 KB Dogfennau ychwanegol: Cofnodion: Cafodd y Pwyllgor adroddiad ar y sefyllfa hanner blwyddyn o ran cwynion a chanmoliaeth ar gyfer blwyddyn ariannol 2016/71. Amlygwyd fod yr adrannau ar gyfer Diogelu Oedolion a Gwella, Gofal Sylfaenol, Cymunedol a Chymdeithasol ac Iechyd Meddwl ac Anableddau Dysgu yn arbennig o berthnasol i’r Pwyllgor.
Nododd y Pwyllgor ei fod yn adroddiad cadarnhaol ac wedi’i gyflwyno mewn fformat gwell. Nodwyd nad oedd y cyfanswm o ran y ganran o’r cwynion yr ymchwiliwyd iddynt ac yr ymatebwyd iddynt o fewn ac ar ôl yr amser penodedig rhwng mis Ebrill 2016 a mis Medi 2016 yn 100%. Byddai hyn yn cael ei fwydo’n ôl i’r swyddogion perthnasol.
PENDERFYNWYD YN UNFRYDOL derbyn yr adroddiad. |
|||||||||||||
ADRODDIAD MONITRO CYLLIDEB CYFALAF A REFENIW PDF 148 KB Dogfennau ychwanegol: Cofnodion: Cafodd y Pwyllgor adroddiad monitro’r gyllideb ar gyfer y Gwasanaeth Gofal Cymdeithasol ac Iechyd a oedd yn nodi’r sefyllfa ar 31 Awst 2016, mewn perthynas â 2016-17. Amlygwyd fod y Gwasanaethau’n rhagweld gorwariant o £688k a chafodd y prif amrywiannau a’r amrywiannau manwl eu hamlinellu.
Gofynnwyd a oedd swyddi gwag yn mynd i gael eu llenwi. Eglurodd Pennaeth y Gwasanaethau Integredig fod anawsterau gyda recriwtio a chadw, a oedd yn cael sylw trwy’r strategaeth gweithlu. Fodd bynnag, y bwriad oedd llenwi swyddi gwag.
Gofynnwyd pam y bu gostyngiad yn y grant sy’n gysylltiedig â’r rhaglen Dewis Gwaith. Eglurodd Cyfrifydd y Gr?p fod y Cyngor yn gweithredu fel asiant ar ran Ymddiriedolaeth Shaw ac y bu gostyngiad yn y grant am fod yr elfen drosiannol o’r grant wedi cael ei dileu.
Cafodd cyllideb y Rhaglen Gyfalaf ar gyfer 2016/17 ei hamlinellu wrth y Pwyllgor. Nodwyd fod tanwariant rhagamcanol, a oedd i’w briodoli’n bennaf i’r Datblygiadau o ran Adeiladau Anableddau Dysgu.
Gofynnwyd a fu newidiadau i’r gyllideb ar gyfer y cynllun Gofal Ychwanegol a oedd yn yr arfaeth ar gyfer Llanelli. Nododd Cyfrifydd y Gr?p y byddai’r £7 miliwn a oedd wedi cael ei ddyrannu’n cael ei gario ymlaen, fel yr eglurwyd yn flaenorol wrth y Pwyllgor. Nodwyd fod arian wrth gefn o’r tanwariant ar gyfer y cynlluniau Gofal Ychwanegol wedi cael ei ailddyrannu fel a gytunwyd gan y Bwrdd Gweithredol.
PENDERFYNWYD derbyn yr adroddiad. |
|||||||||||||
EGLURHAD AM BEIDIO A CHYFLWYNO ADRODDIADAU CRAFFU PDF 50 KB Cofnodion: Fe wnaeth y Pwyllgor nodi’r rhesymau dros beidio â chyflwyno pedwar adroddiad, a fyddai’n cael eu cyflwyno i gyfarfodydd yn y dyfodol. Nodwyd fod eitemau wedi cael eu gohirio oherwydd maint yr agenda. Byddai rhai o’r adroddiadau’n cael eu cyflwyno yn y cyfarfod nesaf ac roedd angen ailddyrannu eraill i gyfarfodydd. Fel y trafodwyd gofynnodd y Pwyllgor am y diweddariad ar y Prosiect ARCH yng nghyfarfod mis Ionawr 2017.
PENDERFYNWYD nodi’r eglurhad am beidio â chyflwyno adroddiadau. |
|||||||||||||
COFNODION - 20 MEDI 2016 PDF 191 KB Cofnodion: PENDERFYNWYD llofnodi cofnodion cyfarfod y Pwyllgor a gynhaliwyd ar 20 Medi 2016 fel cofnod cywir. |
|||||||||||||
Cofnodion: PENDERFYNWYD derbyn cofnodion Cydgyfarfod Pwyllgorau Craffu Diogelu’r Cyhoedd a’r Amgylchedd a Gofal Cymdeithasol ac Iechyd a gynhaliwyd ar 26 Medi 2016. |
Cyngor a Democratiaeth
Y Cyngor
Cynghorwyr, ACau ac ASau
- Eich Cynghorydd Sir
- Strategaeth Cyfranogiad y Cyhoedd a'r Cynllun Deiseb
- Lwfansau a buddiannau cynghorwyr
- Cynghorwyr Tref a Chymuned
- Aelodau Senedd Cymru
- Aelodau Seneddol
- Sut mae bod yn Gynghorydd
Adrannau'r Cyngor
Dweud eich dweud
- Ymgynghoriad ar y gyllideb 2024Gyllideb
- Prif Gynllun Teithio Llesol Y Tymbl
- Strategaeth Hamdden 2023-33 ymgynghoriad cymunedol
- Polisi codi tâl am wasanaethau gofal cymdeithasol
- Polisi Dyrannu Tai Cymdeithasol
- Strategaeth Leol ar gyfer Perygl Llifogydd 2024-2030
- Asesiad Rheoliadau Cynefinoedd ar gyfer yr Ail Gynllun Datblygu Lleol Diwygiedig Adneuo 2018-2033
- Arfarniad Cynaliadwyedd Integredig ar gyfer yr Ail Gynllun Datblygu Lleol Diwygiedig Adneuo 2018-2033
- Strategaeth y Rhaglen Moderneiddio Addysg
- Strategaeth Cyfleusterau Cyhoeddus Sir Gaerfyrddin
- Creu Sir Gaerfyrddin Ddigidol
- Holiadur Preswylwyr Sir Gâr 2023
- Ymgynghoriad ynghylch Polisi Plant sy'n Codi'n 4 Oed Ysgolion Cynradd 2025/26
Pwyllgorau a Chyfarfodydd
- Agendâu a chofnodion
- Pwyllgor Llywodraethu ac Archwilio
- Dyddiadur y Cyngor
- Pwyllgor Gwasanaethau Democrataidd
- Y Cabinet
- Penderfyniadau swyddogion
- Blaengynlluniau Waith
- Pwyllgor Cynllunio
- Craffu
- Pwyllgor Safonau
- Cyngor Ymgynghorol Sefydlog dros Addysg Grefyddol (CYSAG)
Strategaethau a chynlluniau
- Cynllun Cyflenwi Tai Fforddiadwy 2016 - 20
- Datganiad Gweledigaeth y Cabinet 2022 - 2027 (Gorffennaf 2022)
- Strategaeth Drawsnewid Cyngor Sir Caerfyrddin
- Polisi Diogelu Corfforaethol
- Strategaeth Ddigidol ar gyfer Ysgolion 2018 - 2021
- Strategaeth Technoleg Ddigidol 2018 - 2021
- Strategaeth Trawsnewid Digidol
- Cymorth i Deuluoedd Sir Gaerfyrddin 2018-23
- Gwybodaeth ddiweddaraf am wasanaeth Llyfrgelloedd - Symud ymlaen 2017 - 2025
- Strategaeth y Rhaglen Moderneiddio Addysg (1)
- Symud Sir Gâr Wledig Ymlaen
- Cynllun Cydraddoldeb Strategol
- Cynllun Trechu Tlodi 2023
- Strategaeth Hybu’r Gymraeg
- Safonau’r Gymraeg
- Adroddiad Blynyddol y Gymraeg
Y Cyllideb y Cyngor
Cyllideb y Cyngor
- Crynhoad Cyllideb
- Datganiad Cyfrifon
- Cronfa Bensiwn Dyfed
- Ein Rhanbarth ar Waith (ERW)
- Bargen Ddinesig Bae Abertawe
- Ffyrdd syml i arbed arian i'r Cyngor
Perfformiad y Cyngor
- Rheoli Perfformiad
- Archwiliadau, Arolygiadau ac Adroddiadau
- Y Ddeddf Llesiant Cenedlaethau’r Dyfodol
- Adroddiad Blynyddol y Cyngor 2022-23
Hysbysiadau cyhoeddus
Canllawiau Brexit
Iaith Gymraeg
Carbon Sero-net
Cydraddoldeb ac Amrywiaeth
Cyfamod Lluoedd Arfog
Etholiadau a Phleidleisio
- Etholiadau Lleol 2022
- Pleidleisio
- Bod yn gymwys i bleidleisio
- Sut mae pleidleisio?
- Newidiadau i bleidleisio drwy'r post a phleidleisio drwy ddirprwy
- Cofrestru i bleidleisio
- Diweddaru eich manylion ar y Gofrestr Etholiadol
- Diweddariad blynyddol o'r gofrestr pleidleiswyr
- Sut i optio allan o'r gofrestr agored
- Gweld y Gofrestr Etholiadol
- Is-etholiadau
- Fy Un Agosaf - Gwybodaeth etholiadol
- Etholiadau Senedd Cymru
- Etholiadau'r Comisiynydd Heddlu a Throseddu 2024
- Etholiad Cyffredinol Seneddol 2019
- Help i Bleidleiswyr Anabl
- Adolygiad o Ffiniau Seneddol
- Prawf Adnabod Pleidleisiwr
- Adolygiad Cymunedol 2023
- Adolygiad o Ddosbarthau Pleidleisio a Mannau Pleidleisio
- Recriwtio ar gyfer etholiadau
Mwy ynghylch Cyngor a Democratiaeth