Agenda a Chofnodion
Lleoliad: Siambr a Rhag-Ystafell, - 3 Heol Spilman, Caerfyrddin. SA31 1LE.. Cyfarwyddiadau
Cyswllt: Michelle Evans Thomas 01267 224470
Rhif | eitem |
---|---|
YMDDIHEURIADAU AM ABSENOLDEB Cofnodion: Cafwyd ymddiheuriad am absenoldeb gan y Cynghorydd G.B. Thomas. Hefyd cafwyd ymddiheuriadau gan Mr Richard Harries a Mr Jeremy Evans o Swyddfa Archwilio Cymru.
Cyfeiriwyd at y ffaith y byddai Mr Phil Sexton, Pennaeth Archwilio, Risg a Chaffael yn ymddeol ar 31 Mawrth, a diolchwyd i Mr Sexton am ei arweiniad a'i gyngor hynod werthfawr dros y blynyddoedd a dymunwyd ymddeoliad hir a hapus iddo.
Ni fyddai'r Cynghorwyr Callum Higgins na Bill Thomas yn dychwelyd ar ôl yr etholiadau a dymunwyd yn dda i'r ddau ohonynt yn y dyfodol.
|
|
DATGANIADAU O FUDDIANNAU PERSONOL. Cofnodion: Ni chafwyd dim datganiadau o fuddiant personol.
|
|
DIWEDDARIAD AR Y CYNLLUN ARCHWILIO MEWNOL 2016/17 PDF 171 KB Dogfennau ychwanegol:
Cofnodion: Rhoddodd y Pwyllgor ystyriaeth i adroddiad a roddai ddiweddariad am y cynnydd oedd yn cael ei wneud o ran gweithredu Cynllun Archwilio Mewnol 2016/17. Yn Rhan A(i) o'r adroddiad roedd adroddiad cynnydd ac yn Rhan A(ii) roedd argymhellion y matrics sgorio.
Yn Rhan C roedd argymhellion Blaenoriaeth 1 ynghylch adolygiadau o systemau eraill ac archwiliadau sefydliadau, a oedd yn cynnwys adolygiadau a gwblhawyd ers mis Ebrill 2016 lle roedd gan y systemau un neu ragor o wendidau rheoli sylfaenol neu adolygiadau cysylltiedig yr oedd Cadeirydd y Pwyllgor Archwilio a'r Rheolwr Archwilio a Risg wedi cytuno y dylid eu rhoi gerbron y Pwyllgor. Roedd yr adran hon yn cynnwys manylion adolygiad o'r gwasanaeth Amgueddfeydd. Roedd adolygiad gan Archwilio Mewnol yn 2015/16 wedi nodi pryderon am y ffordd roedd asedau'n cael eu rheoli a'u gweinyddu. Roedd adolygiad dilynol wedi'i gynnal yn ystod 2016/17 ac er ei bod yn cael ei gydnabod bod llawer o'r problemau heb eu datrys o hyd, nodwyd bod cryn dipyn o waith wedi'i wneud i roi camau ar waith a fydd, yn y pen draw, yn sicrhau bod y problemau hyn, dros amser, yn cael eu datrys.
Rhoddwyd sylw i'r sylwadau/materion canlynol wrth drafod yr adroddiad:-
· O ran archwiliadau ac arolygiadau diogelu cyfeiriwyd at broblemau mewn ysgol benodol a oedd, yn dilyn achos o dorri i mewn, yn dal i aros i atgyweiriadau a gwelliannau gael eu gwneud 18 mis yn ddiweddarach, a oedd yn cynnwys gosod system mynediad drwy garden sweipio a fyddai'n gwella diogeledd yn yr ysgol. Dywedodd y Rheolwr Archwilio a Risg wrth y Pwyllgor er bod diogelu wedi'i gynnwys yn y cynllun, fod y pwyslais mwyaf ar y prosesau ar gyfer gofalu am blant ac oedolion agored i niwed. Nid oeddent yn rhoi sylw i asedau ffisegol ar hyn o bryd, fodd bynnag, mae Estyn yn gwneud hynny ac mae Swyddogion Iechyd a Diogelwch yr Awdurdod yn gweithredu ynghylch unrhyw argymhellion; · O gofio bod y Rheolwr Archwilio, Risg a Chaffael yn ymddeol yn fuan, gofynnwyd i'r swyddogion a oeddent yn hyderus y byddent yn gallu darparu’r Flaenraglen Waith ac oedd unrhyw gynlluniau wrth gefn yn eu lle. Eglurodd y Cyfarwyddwr Adnoddau fod trefniadau wedi cael eu gwneud o ran staff, a bod swyddogion hefyd yn edrych ar gynigion ar gyfer cydweithio â Chyngor Sir Penfro mewn perthynas â chaffael; PENDERFYNWYD YN UNFRYDOL 3.1 bod y diweddariad am Gynllun Archwilio Mewnol 2016/17 yn cael ei dderbyn, at ddibenion monitro; 3.2 bod y Pwyllgor yn cael diweddariad yn y cyfarfod nesaf ynghylch y strwythur staffio newydd yn dilyn ymddeoliad y Pennaeth Archwilio, Risg a Chaffael ac ynghylch y trefniadau cydweithio o ran caffael; 3.3 bod y Pwyllgor yn derbyn adroddiad cynnydd am y Cynllun Gweithredu ar gyfer Amgueddfeydd yn y cyfarfod ym mis Medi;
|
|
CYNLLUN ARCHWILIAD MEWNOL BLYNYDDOL 2017/18 & BWRIEDIR EI GYNNWYS YN 2018/20. PDF 163 KB Dogfennau ychwanegol: Cofnodion: Bu'r Pwyllgor yn ystyried adroddiad a fanylai ar Gynllun Archwilio Mewnol 2017/18 ac a amlinellai'r hyn a gynllunnid ar gyfer 2018/20. Roedd y Cynllun Archwilio wedi ei lunio gan ddefnyddio egwyddorion asesu risg, gan gymryd i ystyriaeth newidiadau mewn gwasanaethau. Roedd mabwysiadu rhaglen dreigl dair blynedd yn rhoi sicrwydd bod y trefniadau archwilio yn ddigonol gan ganiatáu, ar yr un pryd, hyblygrwydd o ran ymdrin â newidiadau yn systemau'r Awdurdod. Roedd y Cynllun yn cymryd y byddai pob un o swyddi'r Adain wedi'i llenwi, sef 9.4 o weithwyr cyfwerth ag amser llawn. PENDERFYNWYD YN UNFRYDOL 4.1 cymeradwyo'r Cynllun Archwilio Mewnol blynyddol ar gyfer 2017/18; 4.2. cadarnhau'r trefniadau a gynllunnid ar gyfer 2018/20.
|
|
PWYLLGOR ARCHWILIO BLAENRHAGLEN GWAITH PDF 150 KB Dogfennau ychwanegol: Cofnodion: Rhoddodd y Pwyllgor ystyriaeth i'r Flaenraglen Waith ar gyfer 2017/18, a nodai'r eitemau i'w cyflwyno i'r Pwyllgor yn y cyfarfodydd oedd wedi'u trefnu ar gyfer y flwyddyn i ddod.
PENDERFYNWYD YN UNFRYDOL dderbyn yr adroddiad.
|
|
Y NEWYDDION DIWEDDARAF YNGHYLCH CYNLLUN GWEITHREDU Y CYFLEUSTERAU ARFORDIROL PDF 154 KB Dogfennau ychwanegol: Cofnodion: Rhoddodd y Pwyllgor ystyriaeth i adroddiad a fanylai ar y camau oedd wedi'u cymryd i roi Cynllun Gweithredu y Cyfleusterau Arfordirol ar waith. Roedd yr adroddiad cynnydd chwarterol yn crynhoi'r gwaith a wnaed gan Dîm y Cyfleusterau Arfordirol er mwyn dal ati i wella ei brosesau.
Rhoddwyd sylw i'r sylwadau/materion canlynol wrth drafod yr adroddiad:-
· Pan ofynnwyd a fyddai system newydd ar gyfer dyrannu tocynnau tymor yn cael ei chyflwyno, dywedodd y Pwyllgor fod tocynnau tymor yn cael eu rheoli bellach gan yr Uned Cymorth Busnes Ganolog a bod yr holl docynnau a ddyrennir i'r parc yn cael eu cofnodi fel y gellir cysoni'r holl werthiannau. Hefyd roedd bwriad cyflwyno system A.N.P.R. yn y parc lle roedd ymwelwyr yn talu i adael, a thrwy hynny ni fyddai angen trafod arian yn y parc ac ni fyddai angen ciwio i gael mynediad; · O ran staffio a thâl goramser, gofynnwyd i'r swyddogion a oedd gweithwyr tymhorol yn cael eu cyflogi yn y parc. Dywedwyd wrth y Pwyllgor fod staff yn cael amser i ffwrdd yn lle oriau a weithiwyd yn hytrach na thâl goramser. Defnyddir staff tymhorol ar gyfer rhai swyddi yn y parc, ond caiff y goramser ei gronni gan bobl sydd â rolau mwy arbenigol, fel y parcmyn.
PENDERFYNWYD YN UNFRYDOL nodi'r cynnydd o ran Cynllun Gweithredu y Cyfleusterau Arfordirol.
|
|
DIWYGIADAU I RHEOLAU GWEITHDREFN CONTRACTAU PDF 127 KB Dogfennau ychwanegol:
Cofnodion: Atgoffwyd y Pwyllgor fod y Rheolau Gweithdrefn Contractau wedi eu diweddaru a'u cymeradwyo yn y cyfarfod ar 30 Medi, 2016 (gweler cofnod 8).
Ers y dyddiad hwn, roedd y Rheolau Gweithdrefn diweddaraf wedi cael eu cymhwyso i bob gweithgarwch caffael. Fodd bynnag, wrth gymhwyso'r Rheolau Gweithdrefn yn ymarferol, canfuwyd bod rhai rhannau'n agored i ddehongliad ac roedd diwygiadau pellach wedi cael eu cynnig, fel y manylwyd yn yr adroddiad.
PENDERFYNWYD YN UNFRYDOL fod y diwygiadau i'r Rheolau Gweithdrefn Contractau, y manylwyd arnynt yn yr adroddiad, yn cael eu cymeradwyo.
|
|
COFRESTR RISG CORFFORAETHOL PDF 157 KB Dogfennau ychwanegol: Cofnodion: Cafodd y Pwyllgor y Gofrestr Risg Gorfforaethol i'w hystyried, yn dilyn yr Asesiad Corfforaethol gan Swyddfa Archwilio Cymru a'r argymhelliad y dylid rhannu'r Gofrestr â'r Pwyllgor Archwilio.
Yn dilyn cael ei hystyried yn y cyfarfod heddiw, byddai'r Gofrestr yn cael ei hadolygu gan y Pwyllgor bob 6 mis.
Rhoddwyd sylw i'r sylwadau/materion canlynol wrth drafod yr adroddiad:-
· Mynegwyd pryderon fod angen rhagor o wybodaeth er mwyn galluogi aelodau o'r Pwyllgor i wneud penderfyniadau gwybodus ynghylch risgiau. Dywedwyd wrth y Pwyllgor y byddai swyddogion yn edrych ar fformat yr adroddiad dros y misoedd nesaf ac yn cymryd y sylwadau i ystyriaeth. Dywedodd Cyfarwyddwr y Gwasanaethau Corfforaethol wrth aelodau'r Pwyllgor y gallai drefnu eu bod yn cyfarfod â'r Rheolwr Risg perthnasol os oedd ganddynt ymholiadau penodol; · Dywedwyd y byddai adroddiad lliw â risgiau wedi'u codio mewn lliw yn helpu'r Pwyllgor yn fawr o ran gwerthuso risgiau;
PENDERFYNWYD YN UNFRYDOL
8.1 bod yr adroddiad yn cael ei dderbyn;
8.2 bod sesiwn ar Reoli Risg yn cael ei threfnu yn unrhyw raglenni hyfforddiant yn y dyfodol.
|
|
YSTYRIED Y DOGFENNAU CANLYNOL PARATOWYD GAN SWYDDFA ARCHWILIO CYMRU:- Cofnodion: Estynnodd y Cadeirydd groeso i'r cyfarfod i Mr Jason Garcia o Swyddfa Archwilio Cymru.
|
|
Y DIWEDDARAF I BWYLLGOR ARCHWILIO CYNGOR SIR CAERFYRDDIN - MAWRTH 2017 PDF 154 KB Dogfennau ychwanegol: Cofnodion: Bu'r Pwyllgor yn ystyried adroddiad a roddai'r wybodaeth ddiweddaraf am y gwaith o ran archwilio ariannol ac archwilio perfformiad oedd wedi'i wneud/yn mynd i gael ei wneud ynghylch yr Awdurdod gan Swyddfa Archwilio Cymru ers y cyfarfod diwethaf. PENDERFYNWYD YN UNFRYDOL dderbyn yr adroddiad.
|
|
ARDYSTIO GRANTIAU A FFURFLENNI - CYNGOR SIR CAERFYRDDIN 2015-16 PDF 145 KB Dogfennau ychwanegol: Cofnodion: Rhoddodd y Pwyllgor ystyriaeth i adroddiad a fanylai ar waith gan Swyddfa Archwilio Cymru ynghylch ardystio hawliadau am grantiau ar gyfer y cyfnod 2015-16.
Rhoddwyd gwybod i'r Pwyllgor fod Swyddfa Archwilio Cymru wedi ardystio 13 o hawliadau am grantiau a ffurflenni yn ystod blwyddyn ariannol 2015-16.
Roedd Swyddfa Archwilio Cymru wedi dod i'r casgliad fod gwelliannau wedi'u gwneud i drefniadau'r Cyngor ar gyfer llunio a chyflwyno hawliadau am grantiau yn 2015-16 o gymharu â blynyddoedd blaenorol, er bod rhai meysydd lle gellid gwneud gwelliannau pellach. Nododd y Pwyllgor fod y casgliad yn seiliedig ar y canfyddiadau cyffredinol canlynol:-
- Roedd yr holl hawliadau wedi eu cyflwyno ar amser;
- o ystyried y gwelliannau hyn, roedd ffi Swyddfa Archwilio Cymru am ardystio ffurflenni wedi gostwng o £75,388 yn 2014-15 i £72,397 yn 2015-16. PENDERFYNWYD bod yr adroddiad yn cael ei dderbyn.
|
|
CYNLLUN ARCHWILIO 2017 - CYNGOR SIR CAERFYRDDIN PDF 145 KB Dogfennau ychwanegol: Cofnodion: Bu'r Pwyllgor yn ystyried Cynllun Archwilio 2017 ar gyfer Cyngor Sir Caerfyrddin. Mae'n rhaid i'r Archwilydd Cyffredinol, fel archwilydd allanol y Cyngor, gyflawni ei ddyletswyddau a'i rwymedigaethau statudol o dan Ddeddf Archwilio Cyhoeddus (Cymru) 2004, ac roedd y cynllun yn nodi'r gwaith oedd i'w wneud er mwyn cyflawni'r cyfrifoldebau hynny. PENDERFYNWYD derbyn Cynllun Archwilio 2017 ar gyfer Cyngor Sir Caerfyrddin.
|
|
CYNLLUN ARCHWILIO 2017 - CRONFA BENSIWN DYFED PDF 145 KB Dogfennau ychwanegol: Cofnodion: Bu'r Pwyllgor yn ystyried Cynllun Archwilio 2017 ar gyfer Cronfa Bensiwn Dyfed. Mae'n rhaid i'r Archwilydd Cyffredinol, fel archwilydd Cronfa Bensiwn Dyfed, gyflawni ei ddyletswyddau a'i rwymedigaethau statudol o dan Ddeddf Archwilio Cyhoeddus (Cymru) 2004, ac roedd y cynllun yn nodi'r gwaith oedd i'w wneud er mwyn cyflawni'r cyfrifoldebau hynny. PENDERFYNWYD derbyn Cynllun Archwilio 2017 ar gyfer Cronfa Bensiwn Dyfed.
|
|
DATGANIAD CYFRIFOLDEB PDF 122 KB Dogfennau ychwanegol: Cofnodion: Rhoddodd y Pwyllgor ystyriaeth i'r adroddiad Datganiad Cyfrifoldeb a oedd yn manylu ar gyfrifoldebau'r Archwilydd Cyffredinol a'r cyrff y mae'n eu harchwilio mewn perthynas â'r archwiliad o ddatganiadau ariannol.
PENDERFYNWYD YN UNFRYDOL dderbyn yr adroddiad.
|
|
CYNLLUNIO ARBEDION - CYNGOR SIR CAERFYRDDIN PDF 145 KB Dogfennau ychwanegol: Cofnodion: Dywedwyd wrth y Pwyllgor fod Swyddfa Archwilio Cymru, yn ystod 2015-16, wedi gwneud gwaith yn yr holl Gynghorau er mwyn asesu digonolrwydd eu trefniadau cynllunio ariannol, rheoli a llywodraethu. Yn yr asesiad ynghylch Cyngor Sir Caerfyrddin, a wnaed rhwng mis Mehefin a mis Medi 2016, bu i Swyddfa Archwilio Cymru edrych i ba raddau roedd y Cyngor wedi cyflawni ei gynlluniau arbedion ar gyfer 2015-2016, safon ei gynlluniau ariannol yn y tymor canolig, a chadernid ei gynlluniau arbedion ar gyfer 2016-17.
Roedd Swyddfa Archwilio Cymru wedi dod i'r casgliad y gellid gwella cynllunio ariannol y Cyngor yn y tymor canolig, ond bod y trefniadau rheoli yn gryf a bod llywodraethu ariannol yn dda. Hefyd roedd wedi dod i'r casgliad er bod gan y Cyngor drefniadau cadarn o ran cynllunio arbedion, a oedd yn cefnogi gwytnwch ariannol yn y dyfodol, roedd rhywfaint o ddiffyg tryloywder o hyd o ran riportio ariannol. Roedd yr adroddiad yn cynnwys cynigion ar gyfer gwelliannau i gryfhau trefniadau cynllunio ariannol yr Awdurdod.
PENDERFYNWYD YN UNFRYDOL dderbyn yr adroddiad.
|
|
COFNODION GRWPIAU PERTHNSAOL IR PWYLLGOR ARCHWYLIO PDF 150 KB Dogfennau ychwanegol:
Cofnodion: PENDERFYNWYD YN UNFRYDOL dderbyn cofnodion cyfarfod y Gr?p Llywio Rheoli Risg ar 4 Ionawr 2017, a chyfarfodydd y Panel Grantiau ar 16 Tachwedd, 2016 a 20 Ionawr, 2017.
|
|
LLOFNODI BOD COFNODION CYFARFOD Y PWYLLGOR A GYNHALIWYD AR 6 IONAWR 2017 YN GOFNOD CYWIR PDF 265 KB Cofnodion: Cyfeiriwyd at gofnod 5 (Diweddariad am Gynllun Gweithredu y Cyfleusterau Arfordirol) ac yn benodol at ail baragraff y materion a drafodwyd, a dywedwyd y dylai'r ail frawddeg ddarllen fel a ganlyn “Dywedodd Cyfarwyddwr y Gwasanaethau Corfforaethol nad oedd angen paratoi adroddiad o'r fath ac nad oedd dim achosion troseddol yn y llys ar hyn o bryd nac achosion troseddol yr oeddid yn aros am ddedfryd yn eu cylch.”
PENDERFYNWYD, ar yr amod y byddai'r newid a nodwyd uchod yn cael ei gynnwys, lofnodi cofnodion cyfarfod y Pwyllgor Archwilio oedd wedi'i gynnal ar 6 Ionawr, 2017, i nodi eu bod yn gywir.
|
Cyngor a Democratiaeth
Y Cyngor
Cynghorwyr, ACau ac ASau
- Eich Cynghorydd Sir
- Strategaeth Cyfranogiad y Cyhoedd a'r Cynllun Deiseb
- Lwfansau a buddiannau cynghorwyr
- Cynghorwyr Tref a Chymuned
- Aelodau Senedd Cymru
- Aelodau Seneddol
- Sut mae bod yn Gynghorydd
Adrannau'r Cyngor
Dweud eich dweud
- Ymgynghoriad ar y gyllideb 2024Gyllideb
- Prif Gynllun Teithio Llesol Y Tymbl
- Strategaeth Hamdden 2023-33 ymgynghoriad cymunedol
- Polisi codi tâl am wasanaethau gofal cymdeithasol
- Polisi Dyrannu Tai Cymdeithasol
- Strategaeth Leol ar gyfer Perygl Llifogydd 2024-2030
- Asesiad Rheoliadau Cynefinoedd ar gyfer yr Ail Gynllun Datblygu Lleol Diwygiedig Adneuo 2018-2033
- Arfarniad Cynaliadwyedd Integredig ar gyfer yr Ail Gynllun Datblygu Lleol Diwygiedig Adneuo 2018-2033
- Strategaeth y Rhaglen Moderneiddio Addysg
- Strategaeth Cyfleusterau Cyhoeddus Sir Gaerfyrddin
- Creu Sir Gaerfyrddin Ddigidol
- Holiadur Preswylwyr Sir Gâr 2023
- Ymgynghoriad ynghylch Polisi Plant sy'n Codi'n 4 Oed Ysgolion Cynradd 2025/26
Pwyllgorau a Chyfarfodydd
- Agendâu a chofnodion
- Pwyllgor Llywodraethu ac Archwilio
- Dyddiadur y Cyngor
- Pwyllgor Gwasanaethau Democrataidd
- Y Cabinet
- Penderfyniadau swyddogion
- Blaengynlluniau Waith
- Pwyllgor Cynllunio
- Craffu
- Pwyllgor Safonau
- Cyngor Ymgynghorol Sefydlog dros Addysg Grefyddol (CYSAG)
Strategaethau a chynlluniau
- Cynllun Cyflenwi Tai Fforddiadwy 2016 - 20
- Datganiad Gweledigaeth y Cabinet 2022 - 2027 (Gorffennaf 2022)
- Strategaeth Drawsnewid Cyngor Sir Caerfyrddin
- Polisi Diogelu Corfforaethol
- Strategaeth Ddigidol ar gyfer Ysgolion 2018 - 2021
- Strategaeth Technoleg Ddigidol 2018 - 2021
- Strategaeth Trawsnewid Digidol
- Cymorth i Deuluoedd Sir Gaerfyrddin 2018-23
- Gwybodaeth ddiweddaraf am wasanaeth Llyfrgelloedd - Symud ymlaen 2017 - 2025
- Strategaeth y Rhaglen Moderneiddio Addysg (1)
- Symud Sir Gâr Wledig Ymlaen
- Cynllun Cydraddoldeb Strategol
- Cynllun Trechu Tlodi 2023
- Strategaeth Hybu’r Gymraeg
- Safonau’r Gymraeg
- Adroddiad Blynyddol y Gymraeg
Y Cyllideb y Cyngor
Cyllideb y Cyngor
- Crynhoad Cyllideb
- Datganiad Cyfrifon
- Cronfa Bensiwn Dyfed
- Ein Rhanbarth ar Waith (ERW)
- Bargen Ddinesig Bae Abertawe
- Ffyrdd syml i arbed arian i'r Cyngor
Perfformiad y Cyngor
- Rheoli Perfformiad
- Archwiliadau, Arolygiadau ac Adroddiadau
- Y Ddeddf Llesiant Cenedlaethau’r Dyfodol
- Adroddiad Blynyddol y Cyngor 2022-23
Hysbysiadau cyhoeddus
Canllawiau Brexit
Iaith Gymraeg
Carbon Sero-net
Cydraddoldeb ac Amrywiaeth
Cyfamod Lluoedd Arfog
Etholiadau a Phleidleisio
- Etholiadau Lleol 2022
- Pleidleisio
- Bod yn gymwys i bleidleisio
- Sut mae pleidleisio?
- Newidiadau i bleidleisio drwy'r post a phleidleisio drwy ddirprwy
- Cofrestru i bleidleisio
- Diweddaru eich manylion ar y Gofrestr Etholiadol
- Diweddariad blynyddol o'r gofrestr pleidleiswyr
- Sut i optio allan o'r gofrestr agored
- Gweld y Gofrestr Etholiadol
- Is-etholiadau
- Fy Un Agosaf - Gwybodaeth etholiadol
- Etholiadau Senedd Cymru
- Etholiadau'r Comisiynydd Heddlu a Throseddu 2024
- Etholiad Cyffredinol Seneddol 2019
- Help i Bleidleiswyr Anabl
- Adolygiad o Ffiniau Seneddol
- Prawf Adnabod Pleidleisiwr
- Adolygiad Cymunedol 2023
- Adolygiad o Ddosbarthau Pleidleisio a Mannau Pleidleisio
- Recriwtio ar gyfer etholiadau
Mwy ynghylch Cyngor a Democratiaeth