Agenda a Chofnodion
Lleoliad: Siambr a Rhag-Ystafell, - 3 Heol Spilman, Caerfyrddin. SA31 1LE.. Cyfarwyddiadau
Cyswllt: Bernadette Dolan
Rhif | eitem | ||||||
---|---|---|---|---|---|---|---|
YMDDIHEURIADAU A MATERION ERAILL Cofnodion: Derbyniwyd ymddiheuriadau gan y Cynghorwyr P.E.M.Jones a J. Williams. |
|||||||
DATGANIADAU O FUDDIANNAU PERSONOL Cofnodion:
|
|||||||
DATGAN CHWIPIAID PLAID SYDD WEDI EU GWAHARDD Cofnodion: Ni chafwyd dim datganiadau ynghylch chwip waharddedig. |
|||||||
CWESTTIYNAU GAN Y CYHOEDD (NID OEDD DIM WEDI DOD I LAW) Cofnodion: Nid oedd dim cwestiynau wedi dod i law. |
|||||||
EITEMAU AR GYFER Y DYFODOL PDF 251 KB Cofnodion: Rhoddwyd rhestr i'r Pwyllgor o'r eitemau a fyddai'n cael eu hystyried yn ei gyfarfod nesaf i'w gynnal ar 21ain Ionawr 2016. Nododd y Pennaeth Rhaglenni Dysgwyr y byddai'r Adolygiad Strategol 11-19 bellach yn cael ei gynnwys yn yr Adolygiad Cwricwlwm ac Asesu 3-19. Dywedodd yr Uwch-ymgynghorydd fod yr Adolygiad Dwyflynyddol o'r Rhaglen Moderneiddio Addysg wedi cael ei ohirio, ers dosbarthu'r agenda, a bod y cynnig Rhaglen Moderneiddio Addysg (Cam 3) ar gyfer Ysgol Plant Bach Copperworks ac Ysgol Gynradd Gymunedol Maesllyn wedi cael ei gynnwys fel eitem frys.
PENDERFYNWYD nodi'r rhestr o eitemau arfaethedig, yn amodol ar y newidiadau uchod. |
|||||||
STRATEGAETH Y GYLLIDEB REFENIW 2016/17 to 2018/19 PDF 349 KB Dogfennau ychwanegol:
Cofnodion: Bu i'r Cynghorydd D.J.R Bartlett ddatgan buddiant sef ei fod yn Llywydd Cangen Sir Gaerfyrddin o Undeb Cenedlaethol yr Athrawon.
Bu'r Pwyllgor yn ystyried Strategaeth Cyllideb Refeniw 2016/17 - 2018/19 (Atodiad A) a oedd wedi ei chymeradwyo gan y Bwrdd Gweithredol at ddibenion ymgynghori yn y cyfarfod ar 16eg Tachwedd 2015. Rhoddwyd gwybod i'r cyfarfod fod Llywodraeth Cymru wedi cyhoeddi'r setliad dros dro ar 9fed Rhagfyr ac y byddai cyllideb Sir Gaerfyrddin 1% yn llai yn hytrach na 3.3% yn llai sef y ganran yr oedd y Strategaeth wedi ei seilio arni. Roedd Llywodraeth Cymru wedi cynnwys £35 miliwn yn y setliad i gefnogi addysg a £21 miliwn o gymorth ychwanegol ar gyfer gofal cymdeithasol ar sail Cymru gyfan. Roedd hyn yn cyfateb i £2.1 miliwn a £1.3 miliwn yn eu tro ar gyfer Sir Gaerfyrddin. Petai'r cyllid cyfwerth hwn yn cael ei drosglwyddo i gyllidebau'r ysgolion, byddai hynny'n lleihau'r arbedion effeithlonrwydd o £5.5 miliwn sydd eu hangen o ran cyllidebau ysgolion yn 2016/17. Ar hyn o bryd nid oedd pob grant penodol wedi cael ei gadarnhau ac roedd posibilrwydd o hyd y gallai rhai grantiau gael eu cynnwys yn y setliad terfynol yn hytrach na bod yn grant penodol. Nid oedd amcan ynghylch setliad y blynyddoedd dilynol. I grynhoi, mae'n bosibl na fydd angen rhoi sylw i'r diffyg yn yr arbedion effeithlonrwydd a nodwyd ar gyfer 2016/17 bellach, ond roedd yn hanfodol cyflawni'r arbedion o £13.6 miliwn a nodwyd.
Trafodwyd y materion canlynol wrth ystyried yr adroddiad:
Ceisiwyd eglurhad ynghylch cyllidebau ysgolion. Dywedodd Cyfarwyddwr y Gwasanaethau Corfforaethol fod cyllidebau ysgolion wedi cael eu dilysu er mwyn rhoi ystyriaeth i bensiynau athrawon, newidiadau i yswiriant gwladol a chwyddiant mewn cyflogau. Roedd hyn yn gyfwerth ag ychydig dros £3 miliwn. Petai'r £2.1 miliwn a ddiogelir yn cael ei drosglwyddo'n llawn i ysgolion, byddai hynny'n lleihau'r arbedion effeithlonrwydd sydd eu hangen y flwyddyn nesaf i £3.4 miliwn ac felly byddai ysgolion yn cael bron yr un swm o arian.
Mynegwyd pryderon fod ysgolion yn gweithio ar gynlluniau ar hyn o bryd i wneud yr arbedion a nodwyd yn y cynllun gwreiddiol a allai gynnwys diswyddo staff. Gofynnwyd pryd y byddai ysgolion yn cael cadarnhad ynghylch eu sefyllfa o ran y gyllideb yn dilyn y setliad dros dro. Dywedodd y Cyfarwyddwr Addysg a Phlant fod hynny'n anodd gan nad oedd dim gwybodaeth gadarn am y swm sy'n cael ei ddiogelu gan Lywodraeth Cymru. Ychwanegodd Cyfarwyddwr y Gwasanaethau Corfforaethol fod ganddo ddau bryder sef nad oedd y manylion mewn perthynas â'r setliad a diogelu cyllideb addysg yn glir eto yn ogystal â sut y byddai'r Cyngor hwn yn gweithredu pan fydd y rhain yn cael eu cadarnhau.
Mynegwyd pryderon nad oedd yr ansicrwydd ynghylch y setliad terfynol a'r amseru ym mis Mawrth ychydig cyn cyfarfod y Cyngor ar 11eg, yn rhoi amser i'r Aelodau roi ystyriaeth briodol i'r gyllideb. Dywedodd y Cyfarwyddwr Addysg a Gwasanaethau Plant fod ei adran yn dal yn gorfod cyflawni'r arbedion effeithlonrwydd a nodwyd yn yr adroddiad a'i bod yn ... Gweld y cofnodion lawn ar gyfer eitem 6. |
|||||||
DARPARIAETH DYSGU I OEDOLION YN Y GYMUNED YN Y DYFODOL GAN YR ADRAN ADDYSG A PHLANT PDF 586 KB Dogfennau ychwanegol: Cofnodion: Bu'r Pwyllgor yn ystyried yr adroddiad a oedd yn rhoi'r wybodaeth ddiweddaraf am y sefyllfa ariannol bresennol sy'n wynebu'r Gwasanaeth Dysgu Oedolion yn y Gymuned. Dywedwyd nad oedd y gwasanaeth yn derbyn cyllid craidd gan y Cyngor Sir ac felly ei fod yn ddibynnol ar grantiau Llywodraeth Cymru i weithredu. Yn ystod y flwyddyn ddiwethaf, bu gostyngiad sylweddol yn y grantiau y mae'r gwasanaeth yn eu derbyn gan Lywodraeth Cymru, sy'n cyllido darparu cyrsiau, staff ac adeiladau cysylltiedig. Gan nad oedd cyllid arall i'w gael, ni fyddai'r gwasanaeth yn gallu parhau i ddarparu'r amrywiaeth presennol o gyrsiau, rheoli'r amrywiaeth o adeiladau gwasanaeth a chyflogi'r staff sy'n gysylltiedig â'r gwasanaeth. Gofynnwyd i'r Pwyllgor ystyried a rhoi sylwadau ar yr argymhellion yn yr adroddiad yng nghyd-destun y cyllid o oddeutu £435,000 a ddylai fod ar gael ym mlwyddyn ariannol 2016-2017.
Trafodwyd y materion canlynol wrth ystyried yr adroddiad:
Mynegwyd pryder ynghylch effaith gymdeithasol rhoi'r gorau i'r amrywiaeth o gyrsiau a ddarperir ar hyn o bryd, yn ogystal ag effaith rhoi'r gorau i reoli a chostau cynnal cysylltiedig y Ganolfan Addysg Gymunedol. Dywedwyd bod Canolfan Felin-foel yn hen adeilad a oedd yn debygol o aros yn wag a denu ymddygiad gwrthgymdeithasol. Hefyd pwysleisiwyd pwysigrwydd Dysgu Oedolion yn y Gymuned o ran helpu pobl ifanc nad oeddent wedi cael cymwysterau yn yr ysgol.
Gofynnwyd cwestiwn ynghylch Canolfan Addysg Gymunedol Llandeilo. Dywedodd y Pennaeth Rhaglenni Dysgwyr fod y ganolfan hon yn cael ei rheoli ar hyn o bryd gan y Gwasanaeth Cymraeg i Oedolion. Ychwanegodd y Prif Swyddog Addysg/Pennaeth y Gwasanaethau Addysg fod rhan o'r cyllid ar gyfer Cymraeg i Oedolion yn talu am y costau cynnal tan ddiwedd y flwyddyn ariannol hon. Fel rhan o'r broses dendro Cymraeg i Oedolion newydd ar gyfer Cymru, mae'r Cyngor wedi gwneud cais am fod yn ddarparwr ar y cyd â Sir Benfro.
Mewn ymateb i sylwadau ynghylch y Canolfannau Addysg Gymunedol eraill, eglurodd Rheolwr y Rhwydweithiau Dysgu Gydol Oes y byddai Canolfan Glanaman yn cael ei phrydlesu i Gyngor Tref Cwmaman o dan y trefniadau trosglwyddo asedau a bod trefniadau cyllid pontio yn cael eu hystyried. Mae Canolfan Pen-bre yn cael ei chynnal gan gyngor tref Pen-bre a Phorth Tywyn ac mae'r manylion cyfreithiol i drosglwyddo'r adeilad i'r cyngor yn cael sylw ar hyn o bryd. Roedd gan Lanelli fwy na 40 o leoliadau posibl ar gyfer y ddarpariaeth DOG. Roedd y sefyllfa ynghylch Canolfan Caerfyrddin wedi newid ers ysgrifennu'r adroddiad, yng ngoleuni'r angen am amgylchedd diogel ar gyfer arholiadau er mwyn darparu sgiliau sylfaenol achrededig a SSIE.
Cyfeiriwyd at yr amrywiaeth eang o safleoedd sydd ar gael ar draws gwasanaethau cyhoeddus a'r angen i gydweithio a chydleoli gwasanaethau yn y dyfodol yng ngoleuni'r toriadau cyllideb ar gyfer yr holl wasanaethau.
PENDERFYNWYD:
7.1 Bod yr adroddiad yn cael ei dderbyn.
7.2 Cymeradwyo'r argymhellion sy'n ymwneud â Gwasanaeth Dysgu Oedolion yn y Gymuned i'r Bwrdd Gweithredol.
|
|||||||
EGLURHAD YNGHYLCH PEIDIO A CHYFLWYNO ADRODDIADAU PDF 126 KB Cofnodion: Bu'r Pwyllgor yn ystyried yr eglurhad ynghylch peidio â chyflwyno adroddiad am Bennu Cyllideb Rhaglen Gyfalaf 2016/17 - 2018/19 a chynnig Rhaglen Moderneiddio Addysg (Cam 3) ar gyfer Ysgol Plant Bach Copperworks ac Ysgol Gynradd Gymunedol Maesllyn.
PENDERFYNWYD YN UNFRYDOL nodi'r eglurhad am beidio â chyflwyno'r adroddiad. |
|||||||
LLOFNODI FEL COFNOD CYWIR COFNODION Y CYFARFOD A GYNHALIWYD AR Y 23AIN O DACHWEDD 2015 PDF 222 KB Cofnodion: PENDERFYNWYDllofnodi cofnodion y cyfarfod a gynhaliwyd ar 23ain o Dachwedd 2015, gan eu bod yn gofnod cywir. |
|||||||
Cofnodion: PENDERFYNWYD derbyn cofnodion cyfarfod ar y cyd y Pwyllgor Craffu Addysg a Phlant a’r Pwyllgor Craffu Gofal Cymdeithasol ac Iechyd, a gynhaliwyd ar Y 23ain O Dachwedd 2015. |
Cyngor a Democratiaeth
Y Cyngor
Cynghorwyr, ACau ac ASau
- Eich Cynghorydd Sir
- Strategaeth Cyfranogiad y Cyhoedd a'r Cynllun Deiseb
- Lwfansau a buddiannau cynghorwyr
- Cynghorwyr Tref a Chymuned
- Aelodau Senedd Cymru
- Aelodau Seneddol
- Sut mae bod yn Gynghorydd
Adrannau'r Cyngor
Dweud eich dweud
- Ymgynghoriad ar y gyllideb 2024Gyllideb
- Prif Gynllun Teithio Llesol Y Tymbl
- Strategaeth Hamdden 2023-33 ymgynghoriad cymunedol
- Polisi codi tâl am wasanaethau gofal cymdeithasol
- Polisi Dyrannu Tai Cymdeithasol
- Strategaeth Leol ar gyfer Perygl Llifogydd 2024-2030
- Asesiad Rheoliadau Cynefinoedd ar gyfer yr Ail Gynllun Datblygu Lleol Diwygiedig Adneuo 2018-2033
- Arfarniad Cynaliadwyedd Integredig ar gyfer yr Ail Gynllun Datblygu Lleol Diwygiedig Adneuo 2018-2033
- Strategaeth y Rhaglen Moderneiddio Addysg
- Strategaeth Cyfleusterau Cyhoeddus Sir Gaerfyrddin
- Creu Sir Gaerfyrddin Ddigidol
- Holiadur Preswylwyr Sir Gâr 2023
- Ymgynghoriad ynghylch Polisi Plant sy'n Codi'n 4 Oed Ysgolion Cynradd 2025/26
Pwyllgorau a Chyfarfodydd
- Agendâu a chofnodion
- Pwyllgor Llywodraethu ac Archwilio
- Dyddiadur y Cyngor
- Pwyllgor Gwasanaethau Democrataidd
- Y Cabinet
- Penderfyniadau swyddogion
- Blaengynlluniau Waith
- Pwyllgor Cynllunio
- Craffu
- Pwyllgor Safonau
- Cyngor Ymgynghorol Sefydlog dros Addysg Grefyddol (CYSAG)
Strategaethau a chynlluniau
- Cynllun Cyflenwi Tai Fforddiadwy 2016 - 20
- Datganiad Gweledigaeth y Cabinet 2022 - 2027 (Gorffennaf 2022)
- Strategaeth Drawsnewid Cyngor Sir Caerfyrddin
- Polisi Diogelu Corfforaethol
- Strategaeth Ddigidol ar gyfer Ysgolion 2018 - 2021
- Strategaeth Technoleg Ddigidol 2018 - 2021
- Strategaeth Trawsnewid Digidol
- Cymorth i Deuluoedd Sir Gaerfyrddin 2018-23
- Gwybodaeth ddiweddaraf am wasanaeth Llyfrgelloedd - Symud ymlaen 2017 - 2025
- Strategaeth y Rhaglen Moderneiddio Addysg (1)
- Symud Sir Gâr Wledig Ymlaen
- Cynllun Cydraddoldeb Strategol
- Cynllun Trechu Tlodi 2023
- Strategaeth Hybu’r Gymraeg
- Safonau’r Gymraeg
- Adroddiad Blynyddol y Gymraeg
Y Cyllideb y Cyngor
Cyllideb y Cyngor
- Crynhoad Cyllideb
- Datganiad Cyfrifon
- Cronfa Bensiwn Dyfed
- Ein Rhanbarth ar Waith (ERW)
- Bargen Ddinesig Bae Abertawe
- Ffyrdd syml i arbed arian i'r Cyngor
Perfformiad y Cyngor
- Rheoli Perfformiad
- Archwiliadau, Arolygiadau ac Adroddiadau
- Y Ddeddf Llesiant Cenedlaethau’r Dyfodol
- Adroddiad Blynyddol y Cyngor 2022-23
Hysbysiadau cyhoeddus
Canllawiau Brexit
Iaith Gymraeg
Carbon Sero-net
Cydraddoldeb ac Amrywiaeth
Cyfamod Lluoedd Arfog
Etholiadau a Phleidleisio
- Etholiadau Lleol 2022
- Pleidleisio
- Bod yn gymwys i bleidleisio
- Sut mae pleidleisio?
- Newidiadau i bleidleisio drwy'r post a phleidleisio drwy ddirprwy
- Cofrestru i bleidleisio
- Diweddaru eich manylion ar y Gofrestr Etholiadol
- Diweddariad blynyddol o'r gofrestr pleidleiswyr
- Sut i optio allan o'r gofrestr agored
- Gweld y Gofrestr Etholiadol
- Is-etholiadau
- Fy Un Agosaf - Gwybodaeth etholiadol
- Etholiadau Senedd Cymru
- Etholiadau'r Comisiynydd Heddlu a Throseddu 2024
- Etholiad Cyffredinol Seneddol 2019
- Help i Bleidleiswyr Anabl
- Adolygiad o Ffiniau Seneddol
- Prawf Adnabod Pleidleisiwr
- Adolygiad Cymunedol 2023
- Adolygiad o Ddosbarthau Pleidleisio a Mannau Pleidleisio
- Recriwtio ar gyfer etholiadau
Mwy ynghylch Cyngor a Democratiaeth