Agenda a Chofnodion
Lleoliad: Siambr, Neuadd Y Sir, Caerfyrddin. SA31 1JP.. Cyfarwyddiadau
Rhif | eitem |
---|---|
YMDDIHEURIADAU AM ABSENOLDEB Cofnodion: Derbyniwyd ymddiheuriad am absenoldeb gan y Cynghorydd T. Higgins.
|
|
DATGANIADAU O FUDDIANNAU PERSONOL GAN GYNNWYS UNRHYW CHWIPIAU PLEIDIAU A RODDIR MEWN YMATEB I UNRHYW EITEM AR YR AGENDA. Cofnodion: Ni chafwyd dim datganiadau o fuddiant personol.
|
|
CWESTIYNAU GAN Y CYHOEDD (NID OEDD DIM WEDI DOD I LAW) Cofnodion: Dywedodd y Cadeirydd nad oedd dim cwestiynau wedi dod i law gan y cyhoedd.
|
|
ADRODDIAD MONITRO CYLLIDEB CYFALAF A REFENIW 2018/19 PDF 213 KB Dogfennau ychwanegol:
Cofnodion: Bu'r Pwyllgor yn ystyried yr adroddiadau monitro ynghylch y gyllideb ar gyfer Gwasanaeth yr Amgylchedd, Gwasanaeth Diogelu'r Cyhoedd a'r Gwasanaeth Diogelwch Cymunedol ynghyd â'r wybodaeth ddiweddaraf am y sefyllfa gyllidebol, fel yr oeddent ar 28 Chwefror 2019, mewn perthynas â 2018/19.
Rhoddwyd sylw i'r cwestiynau/materion canlynol wrth drafod yr adroddiad:-
· Cyfeiriodd yr Aelodau at y cynnydd o £108k mewn incwm yn sgil Mabwysiadu Priffyrdd, a dywedodd y Pennaeth Trafnidiaeth a Phriffyrdd wrthynt fod hyn yn deillio o'r ffioedd sy'n gysylltiedig â chytundebau o dan Adran 38 o Ddeddf Priffyrdd 1980. Mae'r ffioedd yn talu costau sy'n gysylltiedig â gwirio dyluniadau, paratoi cytundebau, arolygu'r gwaith ac ati. Nodwyd bod hyn yn berthnasol i ddatblygiadau newydd yn unig.
· Nododd yr Aelodau y costau a oedd yn gysylltiedig â Draenio Cynaliadwy. Dywedodd Pennaeth y Gwasanaethau Amgylcheddol a Gwastraff fod gan yr Awdurdod ddyletswydd, o dan y Ddeddf Rheoli Llifogydd a D?r, i sicrhau bod materion draenio'n cael eu trin mewn modd cynaliadwy mewn perthynas â cheisiadau am ddatblygiadau newydd. Roedd hyn yn cynnwys sicrhau na fyddai d?r ychwanegol yn achosi unrhyw niwed i lawr yr afon.
· Mewn ymateb i gwestiwn ynghylch staffio, dywedodd y Pennaeth Trafnidiaeth a Phriffyrdd fod yr Adran Priffyrdd a Thrafnidiaeth yn cyflogi dros 400 o staff, gan gynnwys Hebryngwyr Croesfannau Ysgol, Gweithwyr Priffyrdd a Swyddogion Gorfodi Materion Amgylcheddol. Hefyd dywedodd nad oedd y swydd Rheolwr Traffig a Diogelwch Ffyrdd wedi cael ei llenwi, a bod y gwaith yn cael ei wneud yn rhannol gan y Rheolwr Priffyrdd a Thrafnidiaeth tra oedd adolygiad o'r strwythur ehangach yn cael ei gynnal. Cydnabuwyd bod rôl Rheolwr Traffig yn swydd allweddol yn yr adran a rhagwelwyd y byddai'r swydd yn cael ei llenwi yn ystod y misoedd nesaf.
· Cyfeiriodd yr Aelodau at gostau teledu cylch cyfyng, gan nodi bod y cyfrifoldeb am hyn wedi'i drosglwyddo'n ôl i Heddlu Dyfed-Powys a gofynnwyd a oedd y camerâu teledu cylch cyfyng yn fyw ar hyn o bryd. Dywedodd y Rheolwr Polisi Corfforaethol a Phartneriaeth fod y camerâu teledu cylch cyfyng yn recordio, ac y byddai monitro byw yn dechrau yn yr wythnos ganlynol.
PENDERFYNWYD derbyn yr adroddiad.
|
|
BLAENRAGLEN WAITH PWYLLGOR CRAFFU DIOGELU'R CYHOEDD A'R AMGYLCHEDD AR GYFER 2019/20 PDF 178 KB Dogfennau ychwanegol:
Cofnodion: Ystyriodd y Pwyllgor ei Flaenraglen Waith ar gyfer 2019/20.
Nododd yr Aelodau fod y rhaglen yn ddogfen hyblyg yr oedd modd ei haddasu i gynnwys eitemau agenda a chyfarfodydd ychwanegol yn ystod blwyddyn y cyngor.
PENDERFYNWYD cymeradwyo Blaenraglen Waith Diogelu'r Cyhoedd a'r Amgylchedd ar gyfer 2019/20.
|
|
YMESTYN GORCHYMYN GWARCHOD MANNAU CYHOEDDUS (GORCHMYNION CWN SIR GAERFYRDDIN) PDF 470 KB Dogfennau ychwanegol:
Cofnodion: Bu'r Pwyllgor yn ystyried yr Adroddiad Ymgynghori ynghylch y Gorchymyn Gwarchod Mannau Cyhoeddus. Dywedwyd bod yr adroddiad yn cael ei adolygu gan y Pwyllgor bob tair blynedd fel rhan o'r gwaith o adnewyddu'r Gorchymyn Gwarchod Mannau Cyhoeddus.
Rhoddwyd sylw i'r materion canlynol wrth drafod yr adroddiad:-
· Yn ôl Adran 11(B) o'r adroddiad, ni chaniateir i g?n fynd i mewn i le chwarae caeedig i blant, a'r diffiniad o 'caeedig' yw lle sydd wedi'i amgylchynu ar bob ochr gan ffensys, gatiau, waliau a strwythurau eraill. Gofynnodd yr Aelodau a ellid ymestyn y gorchymyn i leoedd a oedd wedi'u hamgylchu ar dair ochr, gan fod sawl parc ledled y sir â lleoedd chwarae sydd wedi'u hamgylchynu ar dair ochr. Dywedodd Pennaeth y Gwasanaethau Amgylcheddol a Gwastraff fod hyn wedi'i ystyried yn ystod yr adolygiad diwethaf, ond ni ellid gweithredu'r egwyddor yn achos rhai lleoedd ac roedd yn anodd ei diffinio.
· Gofynnodd yr Aelodau am eglurhad ynghylch sut yr oedd y gorchymyn yn berthnasol i g?n gwaith ar dir amaeth lle roedd Hawl Dramwy Gyhoeddus drwy'r tir. Dywedodd Pennaeth y Gwasanaethau Amgylcheddol a Gwastraff fod c?n gwaith wedi eu heithrio o'r Ddeddf. Hefyd eglurodd nad yw'r Ddeddf yn nodi bod yn rhaid cadw c?n ar dennyn, ond bod yn rhaid eu cadw o dan reolaeth.
· Dywedodd yr Aelodau fod modd ymestyn y gorchymyn i gynnwys meysydd chwaraeon a chaeau ysgolion. Dywedodd yr Aelod o'r Bwrdd Gweithredol dros Dai a Diogelu'r Cyhoedd wrth y Pwyllgor y byddai cyfle yn y dyfodol i wneud diwygiadau i'r Gorchymyn Gwarchod Mannau Cyhoeddus arfaethedig a phwysleisiodd bwysigrwydd pasio'r gorchymyn cyn 3 Gorffennaf 2019. Nodwyd hefyd y byddai angen ystyried gofynion gweithredol ymestyn y gorchymyn, gan fod pedwar tîm o ddau Swyddog Gorfodi yn gweithio yn y sir ar hyn o bryd.
PENDERFYNWYD -
6.1 Bod hyd Gorchymyn Gwarchod Mannau Cyhoeddus (Rheolaethau C?n) Cyngor Sir Caerfyrddin 2016 yn cael ei ymestyn am gyfnod pellach o 3 blynedd o 1 Gorffennaf 2019 ymlaen;
6.2 Bod y Cyngor yn gwneud Gorchymyn Ymestyn i weithredu'r estyniad uchod ac yn cymeradwyo Gorchymyn 2016 â geiriad addas er mwyn adlewyrchu'r ffaith fod hyd Gorchymyn 2016 wedi cael ei ymestyn.
6.3 bod Cadeirydd ac Is-gadeirydd y Pwyllgor Craffu yn cwrdd â'r Rheolwr Gorfodi Materion Amgylcheddol i drafod rheolaethau arfaethedig yn y dyfodol.
|
|
STRATEGAETH GORFFORAETHOL 2018-23 DIWEDDARIAD DRAFFT MEHEFIN 2019 PDF 213 KB Dogfennau ychwanegol: Cofnodion: Cyflwynodd y Swyddog Cynllunio Perfformiad a Busnes drosolwg o'r adroddiad a dadansoddiad o'r newidiadau ers yr adroddiad blaenorol.
Rhoddwyd sylw i'r cwestiynau/materion canlynol wrth drafod yr adroddiad:-
· Ystyriodd yr Aelodau Gam Gweithredu 2 Amcan Llesiant 8, a gyfeiriodd at barhau i fonitro ansawdd aer, gan nodi nad oedd y cam gweithredu yn ymddangos yn uchelgeisiol mewn perthynas â'r uchelgais corfforaethol i ddatblygu cynllun clir ar gyfer llwybr tuag at fod yn awdurdod lleol di-garbon net cyn pen 12 mis, ac i fod yn awdurdod lleol di-garbon net erbyn 2030. Roedd yr Aelodau'n feirniadol o'r diffyg targedau penodol, ac roeddent yn annog cysoni'r targedau. Cytunwyd y dylai hyn gael ei gyflwyno i'r Bwrdd Gweithredol yn dilyn cyfarfod gyda'r Pennaeth Cartrefi a Chymunedau Mwy Diogel.
· Mewn ymateb i gwestiwn ynghylch cyfraddau ailgylchu Sir Gaerfyrddin, dywedodd Pennaeth y Gwasanaethau Amgylcheddol a Gwastraff fod problemau o ran gwaredu gwastraff lludw du. Dywedwyd bod sbwriel bagiau du yn cael ei anfon i ffwrdd i gael ei losgi, a bod hyn yn cael ei gyfrif fel ailgylchu, ond bod gwaredu lludw du yn dal i fod yn broblem barhaus. Dywedodd hefyd fod nifer sylweddol o ymwelwyr 'y tu allan i'r sir' wedi cael eu troi ymaith o Ganolfannau Ailgylchu Gwastraff y Cartref o dan y cynllun newydd lle mae angen dangos prawf adnabod, ac y dylid adlewyrchu hyn yn y cyfraddau ailgylchu ar gyfer 2019/20.
· Gofynnodd yr Aelodau am ragor o wybodaeth am allyriadau cerbydau fflyd y Cyngor a pha gamau oedd yn cael eu cymryd i leihau hyn. Dywedodd y Pennaeth Trafnidiaeth a Phriffyrdd fod y fflyd bresennol hanner ffordd drwy ei chylch ac mai un o elfennau allweddol y broses gaffael yn y dyfodol fyddai ystyried cerbydau electronig. Y fflyd cerbydau priffyrdd bresennol oedd un o'r rhai mwyaf datblygedig o ran allyriadau ecsôst.
PENDERFYNWYD yn dilyn cyfarfod gyda'r Pennaeth Cartrefi a Chymunedau Mwy Diogel, y byddai'r Aelod o'r Bwrdd Gweithredol dros Ddiogelu'r Cyhoedd yn rhoi adborth i'r Bwrdd Gweithredol mewn perthynas ag uchelgais mwy a chysoni targedau amgylcheddol.
|
|
EITEMAU AR GYFER Y DYFODOL PDF 88 KB Cofnodion: PENDERFYNWYD cytuno ar y rhestr o'r eitemau i'w hystyried yng nghyfarfod nesaf y Pwyllgor ar 10 Mehefin 2019.
|
Cyngor a Democratiaeth
Y Cyngor
Cynghorwyr, ACau ac ASau
- Eich Cynghorydd Sir
- Strategaeth Cyfranogiad y Cyhoedd a'r Cynllun Deiseb
- Lwfansau a buddiannau cynghorwyr
- Cynghorwyr Tref a Chymuned
- Aelodau Senedd Cymru
- Aelodau Seneddol
- Sut mae bod yn Gynghorydd
Adrannau'r Cyngor
Dweud eich dweud
- Ymgynghoriad ar y gyllideb 2024Gyllideb
- Prif Gynllun Teithio Llesol Y Tymbl
- Strategaeth Hamdden 2023-33 ymgynghoriad cymunedol
- Polisi codi tâl am wasanaethau gofal cymdeithasol
- Polisi Dyrannu Tai Cymdeithasol
- Strategaeth Leol ar gyfer Perygl Llifogydd 2024-2030
- Asesiad Rheoliadau Cynefinoedd ar gyfer yr Ail Gynllun Datblygu Lleol Diwygiedig Adneuo 2018-2033
- Arfarniad Cynaliadwyedd Integredig ar gyfer yr Ail Gynllun Datblygu Lleol Diwygiedig Adneuo 2018-2033
- Strategaeth y Rhaglen Moderneiddio Addysg
- Strategaeth Cyfleusterau Cyhoeddus Sir Gaerfyrddin
- Creu Sir Gaerfyrddin Ddigidol
- Holiadur Preswylwyr Sir Gâr 2023
- Ymgynghoriad ynghylch Polisi Plant sy'n Codi'n 4 Oed Ysgolion Cynradd 2025/26
Pwyllgorau a Chyfarfodydd
- Agendâu a chofnodion
- Pwyllgor Llywodraethu ac Archwilio
- Dyddiadur y Cyngor
- Pwyllgor Gwasanaethau Democrataidd
- Y Cabinet
- Penderfyniadau swyddogion
- Blaengynlluniau Waith
- Pwyllgor Cynllunio
- Craffu
- Pwyllgor Safonau
- Cyngor Ymgynghorol Sefydlog dros Addysg Grefyddol (CYSAG)
Strategaethau a chynlluniau
- Cynllun Cyflenwi Tai Fforddiadwy 2016 - 20
- Datganiad Gweledigaeth y Cabinet 2022 - 2027 (Gorffennaf 2022)
- Strategaeth Drawsnewid Cyngor Sir Caerfyrddin
- Polisi Diogelu Corfforaethol
- Strategaeth Ddigidol ar gyfer Ysgolion 2018 - 2021
- Strategaeth Technoleg Ddigidol 2018 - 2021
- Strategaeth Trawsnewid Digidol
- Cymorth i Deuluoedd Sir Gaerfyrddin 2018-23
- Gwybodaeth ddiweddaraf am wasanaeth Llyfrgelloedd - Symud ymlaen 2017 - 2025
- Strategaeth y Rhaglen Moderneiddio Addysg (1)
- Symud Sir Gâr Wledig Ymlaen
- Cynllun Cydraddoldeb Strategol
- Cynllun Trechu Tlodi 2023
- Strategaeth Hybu’r Gymraeg
- Safonau’r Gymraeg
- Adroddiad Blynyddol y Gymraeg
Y Cyllideb y Cyngor
Cyllideb y Cyngor
- Crynhoad Cyllideb
- Datganiad Cyfrifon
- Cronfa Bensiwn Dyfed
- Ein Rhanbarth ar Waith (ERW)
- Bargen Ddinesig Bae Abertawe
- Ffyrdd syml i arbed arian i'r Cyngor
Perfformiad y Cyngor
- Rheoli Perfformiad
- Archwiliadau, Arolygiadau ac Adroddiadau
- Y Ddeddf Llesiant Cenedlaethau’r Dyfodol
- Adroddiad Blynyddol y Cyngor 2022-23
Hysbysiadau cyhoeddus
Canllawiau Brexit
Iaith Gymraeg
Carbon Sero-net
Cydraddoldeb ac Amrywiaeth
Cyfamod Lluoedd Arfog
Etholiadau a Phleidleisio
- Etholiadau Lleol 2022
- Pleidleisio
- Bod yn gymwys i bleidleisio
- Sut mae pleidleisio?
- Newidiadau i bleidleisio drwy'r post a phleidleisio drwy ddirprwy
- Cofrestru i bleidleisio
- Diweddaru eich manylion ar y Gofrestr Etholiadol
- Diweddariad blynyddol o'r gofrestr pleidleiswyr
- Sut i optio allan o'r gofrestr agored
- Gweld y Gofrestr Etholiadol
- Is-etholiadau
- Fy Un Agosaf - Gwybodaeth etholiadol
- Etholiadau Senedd Cymru
- Etholiadau'r Comisiynydd Heddlu a Throseddu 2024
- Etholiad Cyffredinol Seneddol 2019
- Help i Bleidleiswyr Anabl
- Adolygiad o Ffiniau Seneddol
- Prawf Adnabod Pleidleisiwr
- Adolygiad Cymunedol 2023
- Adolygiad o Ddosbarthau Pleidleisio a Mannau Pleidleisio
- Recriwtio ar gyfer etholiadau
Mwy ynghylch Cyngor a Democratiaeth