Agenda a Chofnodion
Lleoliad: Siambr, Neuadd Y Sir, Caerfyrddin. SA31 1JP.. Cyfarwyddiadau
Media
Rhif | eitem | |||||||||||||||
---|---|---|---|---|---|---|---|---|---|---|---|---|---|---|---|---|
YMDDIHEURIADAU AM ABSENOLDEB Dogfennau ychwanegol: Cofnodion: Ni chafwyd ymddiheuriadau am absenoldeb.
|
||||||||||||||||
DATGAN BUDDIANNAU PERSONOL Dogfennau ychwanegol: Cofnodion:
|
||||||||||||||||
COFNODION - 22 HYDREF 2018 PDF 281 KB Dogfennau ychwanegol: Cofnodion: PENDERFYNWYD YN UNFRYDOL lofnodi cofnodion cyfarfod y Bwrdd Gweithredol a gynhaliwyd ar 22 Hydref 2018, gan eu bod yn gywir.
|
||||||||||||||||
CWESTIYNAU Â RHYBUDD GAN YR AELODAU Dogfennau ychwanegol: Cofnodion: Dywedodd y Cadeirydd nad oedd dim cwestiynau â rhybudd wedi cael eu cyflwyno gan yr Aelodau.
|
||||||||||||||||
CWESTIYNAU Â RHYBUDD GAN Y CYHOEDD Dogfennau ychwanegol: Cofnodion: Dywedodd y Cadeirydd nad oedd dim cwestiynau wedi dod i law gan y cyhoedd.
|
||||||||||||||||
ADRODDIAD MONITRO YNGHYLCH CYLLIDEB REFENIW Y CYNGOR PDF 180 KB Dogfennau ychwanegol: Cofnodion: Bu’r Bwrdd Gweithredol yn ystyried adroddiad monitro'r gyllideb refeniw a oedd yn rhoi'r wybodaeth ddiweddaraf ynghylch sefyllfa'r gyllideb fel yr oedd ar 31 Awst 2018.
Yn gyffredinol, roedd yr adroddiad yn rhagweld y byddai gorwariant o £2,237k ar gyllideb refeniw net yr Awdurdod ac y byddai gorwariant o £3,432k gan yr adrannau. Rhagwelid gorwariant o £237k yn y Cyfrif Refeniw Tai.
|
||||||||||||||||
DIWEDDARIAD YNGHYLCH RHAGLEN GYFALAF 2018-19 PDF 127 KB Dogfennau ychwanegol: Cofnodion:
Bu'r Bwrdd Gweithredol yn ystyried adroddiad oedd yn rhoi diweddariad ynghylch gwariant y rhaglen gyfalaf yn erbyn cyllideb 2018/19, fel yr oedd ar 31 Awst 2018.
Nodwyd bod gwariant net o £57,535k yn cael ei ragweld ar hyn o bryd, o gymharu â chyllideb net weithredol o £57,241k, gan roi £294k o amrywiant. Roedd y gyllideb net wedi'i hailbroffilio ar sail £4.642m pellach, o 2018/19 i'r blynyddoedd i ddod, er mwyn rhoi ystyriaeth i wybodaeth ddiweddaredig ynghylch y proffil gwariant, ac roedd y llithriad yn y gyllideb o 2017/18 wedi'i gynnwys yn y ffigurau a ddosbarthwyd. Hefyd, roedd ymarferiad ailbroffilio’r gyllideb addysg yn cael ei gynnal i adlewyrchu cynnydd cynlluniau yn y rhaglen gyfalaf 5 mlynedd ar y rhaglen moderneiddio addysg.
PENDERFYNWYD YN UNFRYDOL fod adroddiad monitro'r gyllideb a oedd yn rhoi'r wybodaeth ddiweddaraf am y rhaglen gyfalaf, fel y manylir yn Atodiad A a B, yn cael ei dderbyn.
|
||||||||||||||||
STRATEGAETH CYLLIDEB REFENIW Y RHAGOLYGON O RAN CYLLIDEB REFENIW 2019/2020 i 2021/22 PDF 63 KB Dogfennau ychwanegol:
Cofnodion: Bu'r Bwrdd Gweithredol yn ystyried yr adroddiad uchod a oedd yn rhoi golwg gyffredinol ar Gyllideb Refeniw 2019/20 a'r ddwy flynedd dilynol. Roedd yr adroddiad yn rhoi manylion am amserlen proses y gyllideb, setliad dros dro presennol Llywodraeth Cymru, amserlen y setliad terfynol ac yn clustnodi'r gwasgfeydd dilysu a'r gwasgfeydd cyllidebol y byddai'n rhaid i'r Aelodau roi sylw iddynt wrth bennu cyllideb refeniw'r flwyddyn nesaf. Byddai'r adroddiad yn sylfaen i'r broses ymgynghori ynghylch y gyllideb a fyddai'n cael ei chynnal gyda phwyllgorau craffu'r Cyngor a'r gymuned yn ystod y cyfnod Tachwedd 2018 - Ionawr 2019 cyn cyflwyno adroddiad i'r Bwrdd Gweithredol ac wedyn i'r Cyngor.
Er bod y prif setliad dros dro a gyhoeddwyd gan Lywodraeth Cymru yn well na'r disgwyl, roedd yn lleihad ar setliad y flwyddyn gyfredol, a phan roddir ystyriaeth i ffactorau chwyddiant, a newidiadau demograffig a newidiadau o ran y galw, byddai'n cael effaith negyddol sylweddol ar adnoddau'r Cyngor.
Roedd y cynigion ar gyfer y gyllideb, fel y'u cyflwynwyd yn yr adroddiad, yn golygu cyflawni'n llawn yr holl gynigion o ran arbedion a gyflwynwyd, ynghyd â nodi’r diffyg yn 2020-21 a 2021-22 a chynnig arbedion i wneud yn iawn am hynny. Roedd angen nodi lleihad pellach mewn costau a/neu byddai angen cytuno ar fwy o gynnydd o ran y dreth gyngor er mwyn cyflawni cyllideb gytbwys ym mhob un o'r tair blynedd. O ystyried maint y bwlch yn y gyllideb a ragwelid, roedd y cynnydd yn y dreth gyngor wedi cynyddu o'r Cynllun Ariannol Tymor Canolig blaenorol i 4.89% ym mhob un o'r tair blwyddyn ariannol, a oedd yn lliniaru rywfaint o leiaf y cynigion o ran arbedion y byddai angen i'r cyngor eu hystyried.
Nododd y swyddogion nifer o fân newidiadau yr oedd eu hangen yn Atodiad A mewn perthynas â Chanolfan Hamdden Sanclêr [colofn Ffeil Ffeithiau] a Hebryngwyr Croesfannau Ysgol [Disgrifiad o'r arbedion effeithlonrwydd].
PENDERFYNWYD YN UNFRYDOL fod cynnwys yr adroddiad yn cael ei nodi a bod strategaeth y gyllideb dair blynedd yn cael ei chymeradwyo fel sylfaen i ymgynghori, a bod ymgais benodol yn cael ei gwneud i gael sylwadau gan ymgyngoreion ynghylch y cynigion effeithlonrwydd y manylwyd arnynt yn Atodiad A i'r adroddiad. |
||||||||||||||||
MODEL POLISI CYFLOGAU ATHRAWON 2018/19 PDF 133 KB Dogfennau ychwanegol: Cofnodion: (NODER: Roedd y Cynghorwyr C. Campbell, L. Evans a P. Hughes-Griffiths wedi datgan buddiant yn yr eitem hon yn gynharach a gadawsant y Siambr tra oedd yr eitem yn cael ei thrafod)
Bu'r Bwrdd Gweithredol yn ystyried y Polisi Cyflogau Athrawon Enghreifftiol a oedd wedi'i ddiweddaru i adlewyrchu codiad cyflog Medi 2018 y manylwyd arno yn Nogfen Cyflog ac Amodau Athrawon Ysgol 2018. Ymgynghorwyd yn llawn â chymdeithasau athrawon, yn rhanbarthol ac yn lleol, ynghylch y Polisi.
PENDERFYNWYD YN UNFRYDOL gymeradwyo'r Polisi Cyflogau Athrawon Enghreifftiol 2018/19 a'i ddosbarthu i'r ysgolion er mwyn i'w Cyrff Llywodraethu ei fabwysiadu'n ffurfiol.
|
||||||||||||||||
MODEL POLISI CYFLOGAU ATHRAWON DIGYSWLLT 2018/19 PDF 133 KB Dogfennau ychwanegol: Cofnodion: Bu'r Bwrdd Gweithredol yn ystyried y Polisi Cyflogau Athrawon Digyswllt Enghreifftiol a oedd wedi cael ei ddiweddaru i adlewyrchu codiad cyflog Medi 2018 y manylwyd arno yn Nogfen Cyflog ac Amodau Athrawon Ysgol 2018.
PENDERFYNWYD YN UNFRYDOL gymeradwyo'r Polisi Cyflogau Athrawon Digyswllt Enghreifftiol 2018/19 a'i ddosbarthu i'r ysgolion er mwyn i'w Cyrff Llywodraethu ei fabwysiadu'n ffurfiol.
|
||||||||||||||||
CYNLLUN CYFLAWNI GWASANAETH 2018/19 - ADAIN DIOGELU'R AMGYLCHEDD PDF 147 KB Dogfennau ychwanegol: Cofnodion: (NODER: Roedd y Cynghorydd P. Hughes wedi datgan buddiant yn yr eitem hon yn gynharach a gadawodd y Siambr tra oedd yr eitem yn cael ei thrafod)
Bu'r Bwrdd Gweithredol yn ystyried Cynllun Cyflawni Gwasanaeth 2018/19 - Diogelu'r Amgylchedd a oedd yn amlinellu rolau a chyfrifoldebau Adain Diogelu'r Amgylchedd ac yn manylu ar y galwadau a'r heriau o ran y gwasanaeth a sut y bwriedir mynd i'r afael â'r rhain mewn modd cadarnhaol yn 2018/19. Nodwyd bod y Pwyllgor Craffu - Diogelu'r Cyhoedd a'r Amgylchedd wedi cymeradwyo'r Cynllun yn ddiweddar.
PENDERFYNWYD YN UNFRYDOL gymeradwyo Cynllun Cyflawni Gwasanaeth 2018/19 - Diogelu'r Amgylchedd.
|
||||||||||||||||
Y POLISI PRYNU A GWERTHU EIDDO PDF 71 KB Dogfennau ychwanegol: Cofnodion: Bu'r Bwrdd Gweithredol yn ystyried Polisi Prynu a Gwerthu Eiddo diwygiedig a ddiweddarwyd ddiwethaf yn 2005.Roedd y polisi diwygiedig, yn enwedig yr atodiad ynghylch gweithdrefnau rhestr wirio, yn ymateb i faterion a godwyd gan adolygiad archwilio diweddar o'r systemau a'r gweithdrefnau sy'n ymwneud â rheoli eiddo'r Cyngor. Cydnabuwyd y gallai eiddo gwag gael effaith negyddol ar ardal a pho hiraf y maent yn aros yn wag, mwyaf yw'r perygl y bydd problemau fandaliaeth a diogelwch yn codi. Y gobaith oedd y byddai'r polisi diwygiedig yn cefnogi gwerthu eiddo diangen mewn modd amserol i leihau'r perygl hwn.
PENDERFYNWYD YN UNFRYDOL gymeradwyo'r Polisi Prynu a Gwerthu Eiddo diwygiedig (Mehefin 2018).
|
||||||||||||||||
GWIRIADAU'R GWASANAETH DATGELU A GWAHARDD (DBS) - POLISI PDF 145 KB Dogfennau ychwanegol: Cofnodion: Bu'r Bwrdd Gweithredol yn ystyried fersiwn drafft o'r Polisi ynghylch y Gwasanaeth Datgelu a Gwahardd [DBS] a fyddai'n sicrhau, pe bai'n cael ei gymeradwyo, fod y Cyngor yn gweithredu’n unol â chanllawiau/codau'r DBS a chanllawiau/codau statudol cysylltiedig eraill.Byddai'rpolisi a'r prosesau cysylltiedig yn sicrhau bod unrhyw risg sy'n gysylltiedig â chyflogi pobl i weithio mewn ysgolion, gyda phlant a/neu oedolion agored i niwed yn cael ei lleihau.
PENDERFYNWYD YN UNFRYDOL gymeradwyo'r fersiwn drafft o'r Polisi ynghylch y Gwasanaeth Datgelu a Gwahardd.
|
||||||||||||||||
GEIRDAON CYFLOGAETH - CANLLAWIAU PDF 128 KB Dogfennau ychwanegol: Cofnodion: Bu'r Bwrdd Gweithredol yn ystyried fersiwn diweddaredig o'rCanllawiau ynghylch Geirdaon Cyflogaetha oedd yn adlewyrchu newidiadau o ran arferion a newidiadau diweddar i'r ddeddfwriaeth Diogelu Data.Roedd y Canllawiau diwygiedig wedi'u hanelu at reolwyr sy'n rhan o'r broses recriwtio ac roeddent yn cynnig arweiniad ynghylch derbyn a darparu geirdaon. Roedd y Gwasanaeth Cynghori, Cymodi a Chyflafareddu (ACAS) wedi cyhoeddi arweiniad diweddaredig ynghylch y pwnc hwn yn ddiweddar ac roedd hyn hefyd wedi'i adlewyrchu yn y Canllawiau.
PENDERFYNWYD YN UNFRYDOL nodi'r canllawiau diweddaredig.
|
||||||||||||||||
ADOLYGIAD O'R POLISI HAPCHWARAE PDF 172 KB Dogfennau ychwanegol: Cofnodion: Gan gyfeirio at gofnod 10 o gyfarfod y Pwyllgor Trwyddedu a gynhaliwyd ar 24 Hydref 2018, bu'r Bwrdd Gweithredol yn ystyried adroddiad ar yr adolygiad o'r Polisi Hapchwarae a oedd yn cynnwys Dogfen Ymgynghori 2018 a'r Polisi Hapchwarae diwygiedig – Deddf Hapchwarae 2005. Nododd yr Aelodau fod y Polisi Hapchwarae presennol a fabwysiadwyd gan yr Awdurdod ym mis Chwefror 2016 wedi dod i rym ar 11 Mawrth 2016. Roedd yn ofynnol, yn ôl y ddeddfwriaeth, i'r Polisi Hapchwarae gael ei adolygu o leiaf bob tair blynedd er mwyn sicrhau ei fod yn adlewyrchu adborth gan y gymuned leol fod yr amcanion statudol yn cael eu cyflawni. Roedd y Polisi Hapchwarae yn adlewyrchu canlyniadau'r ymgynghoriad a'r broses adolygu ac yn cydymffurfio â deddfwriaeth a chyfarwyddyd perthnasol.
PENDERFYNWYD YN UNFRYDOL ARGYMELL I'R CYNGOR fod y Polisi Hapchwarae diwygiedig yn cael ei gymeradwyo.
|
||||||||||||||||
ADOLYGIAD O'R POLISI TRWYDDEDU PDF 140 KB Dogfennau ychwanegol: Cofnodion: Gan gyfeirio at gofnod 11 o gyfarfod y Pwyllgor Trwyddedu a gynhaliwyd ar 24 Hydref 2018, bu'r Bwrdd Gweithredol yn ystyried adroddiad ynghylch yr adolygiad o Bolisi Trwyddedu'r Awdurdod a oedd yn cynnwys yr Adroddiad Ymgynghori ynghylch y Polisi Trwyddedu a Datganiad diwygiedig y Polisi Trwyddedu a oedd yn adlewyrchu canlyniadau'r broses o ymgynghori ac adolygu. Roedd y Polisi Trwyddedu presennol wedi'i fabwysiadu ym mis Chwefror 2016, yn amodol ar gynnal ymgynghoriadau pellach ynghylch y posibilrwydd o fabwysiadu Polisi Effaith Gronnol mewn perthynas â Heol Awst, Caerfyrddin. Ym mis Ebrill 2018, diwygiwyd y ddeddfwriaeth er mwyn cyfeirio at Asesiadau Effaith Gronnol yn hytrach na Pholisïau Effaith Gronnol. Cynhaliwyd yr ymarfer ymgynghori rhwng 3 Ebrill a 1 Mehefin 2018 yn benodol ar gyfer awdurdodau cyfrifol, preswylwyr lleol, busnesau, deiliaid trwydded presennol a'u cynrychiolwyr gan gyrraedd 1000 o unigolion a sefydliadau. Nododd y Bwrdd fod y ddogfen polisi trwyddedu ddiwygiedig a oedd wedi’i hatodi i’r adroddiad, yn adlewyrchu canlyniadau'r ymgynghoriad a'r broses adolygu. O ganlyniad i'r ymarfer ymgynghori, y prif fater a godwyd oedd y darparwyd digon o dystiolaeth i gyfiawnhau mabwysiadu Asesiad Effaith Gronnol mewn perthynas â Heol Awst, Caerfyrddin. Roedd y cynllun dirprwyo wedi'i ddiwygio i adlewyrchu arferion da a newidiadau i'r ddeddfwriaeth.
PENDERFYNWYD YN UNFRYDOL ARGYMELL I'R CYNGOR fod y Polisi Trwyddedu diwygiedig yn cael ei gymeradwyo.
|
||||||||||||||||
CLWB PÊL-DROED CWMAMAN PDF 141 KB Dogfennau ychwanegol: Cofnodion: Gan gyfeirio at gofnod 11 o gyfarfod y Bwrdd Gweithredol a gynhaliwyd ar 30 Ebrill 2018, bu'r Bwrdd yn ystyried cais pellach gan Glwb Pêl-droed Amatur Cwmaman am gymorth ariannol i alluogi'r clwb i gwblhau ail gam y gwaith o uwchraddio cyfleusterau ei faes, gan sicrhau statws Haen 2 er mwyn iddo aros yng Nghynghrair Cymru.
PENDERFYNWYD YN UNFRYDOL gymeradwyo rhoi hyd at £56k o gymorth ariannol i Glwb Pêl-droed Cwmaman.
|
||||||||||||||||
GWAITH ADFER LLIFOGYDD Dogfennau ychwanegol: Cofnodion: Dywedodd y Cadeirydd fod yr eitem hon wedi'i thynnu'n ôl.
|
||||||||||||||||
UNRHYW EITEMAU ERAILL Y GALL Y CADEIRYDD, OHERWYDD AMGYLCHIADAU ARBENNIG, BENDERFYNU Y DYLID EU HYSTYRIED YN FATERION BRYS YN UNOL AG ADRAN 100B(4)(B) O DDEDDF LLYWODRAETH LEOL 1972 Dogfennau ychwanegol: Cofnodion: Dywedodd y Cadeirydd nad oedd unrhyw eitemau eraill o fusnes brys. |
||||||||||||||||
GORCHYMYN I'R CYHOEDD ADAEL Y CYFARFOD NI DDYLID CYHOEDDI’R ADRODDIAD SY’N YMWNEUD Â’R MATER CANLYNOL GAN EI FOD YN CYNNWYS GWYBODAETH EITHRIEDIG FEL Y’I DIFFINIWYD YM MHARAGRAFF 14 O RAN 4 O ATODLEN 12A I DDEDDF LLYWODRAETH LEOL 1972 FEL Y’I DIWYGIWYD GAN ORCHYMYN LLYWODRAETH LEOL (MYNEDIAD AT WYBODAETH) (AMRYWIO) (CYMRU) 2007. OS BYDD Y BWRDD, AR ÔL CYNNAL PRAWF LLES Y CYHOEDD YN PENDERFYNU YN UNOL Â’R DDEDDF, I YSTYRIED Y MATER HYN YN BREIFAT, GORCHMYNNIR I’R CYHOEDD ADAEL Y CYFARFOD YN YSTOD TRAFODAETH O’R FATH. Dogfennau ychwanegol: Cofnodion: PENDERFYNWYD YN UNFRYDOL, yn unol â Deddf Llywodraeth Leol 1972, fel y'i newidiwyd gan Orchymyn Llywodraeth Leol (Mynediad at Wybodaeth) (Amrywio) (Cymru) 2007, orchymyn i'r cyhoedd adael y cyfarfod tra oedd yr eitemau canlynol yn cael eu hystyried, gan fod yr adroddiadau'n cynnwys gwybodaeth eithriedig fel y'i diffiniwyd ym mharagraff 14 o Ran 4 o Atodlen 12A i'r Ddeddf.
|
||||||||||||||||
AILDDATBLYGU'R HEN FARCHNAD NWYDDAU YN LLANDEILO (HEN NEUADD Y FARCHNAD) Dogfennau ychwanegol: Cofnodion:
Yn sgil gweithredu'r prawf budd y cyhoedd PENDERFYNWYD YN UNFRYDOL, yn unol â'r Ddeddf y cyfeiriwyd ati yng nghofnod 20 uchod, y byddai'r mater hwn yn cael ei ystyried yn breifat, gan beidio â gadael i'r cyhoedd fod yn bresennol yn y cyfarfod, gan y byddai datgelu cynnwys yr adroddiad hwn yn rhoi'r awdurdod dan anfantais berthnasol mewn unrhyw drafodaethau dilynol gyda thrydydd partïon ac o bosibl yn niweidio'r pwrs cyhoeddus.
Bu'r Bwrdd Gweithredol yn ystyried adroddiad a oedd yn manylu ar y dewisiadau a oedd wedi cael eu hystyried o ran ailddatblygu Hen Neuadd y Farchnad, Llandeilo, er mwyn darparu lle cyflogaeth newydd. O ystyried y cyfleoedd cyllido presennol a diffyg llwyddiant o ran cyflawni yn flaenorol, barnwyd bod y Cyngor mewn sefyllfa dda i allu cyflawni'r prosiect hwn.
Nodwyd bod yr adeilad wedi bod yn wag ers nifer o flynyddoedd a bod cynigion amrywiol o ran ei ailddatblygu wedi bod yn aflwyddiannus ac mai'r achos sylfaenol oedd bod cost adnewyddu'r adeilad rhestredig Gradd II* yn fwy na'i werth. Fodd bynnag, roedd cyfle yn awr i'r Cyngor sicrhau cyllid allanol os gallai'r Cyngor ymrwymo i ddarparu cyllid cyfatebol. Os bydd y prosiect hwn yn mynd yn ei flaen, rhagwelir y bydd yn arwain at y canlynol:
· Creu oddeutu 45 o swyddi newydd · Cymorth i 17 o Fusnesau Bach a Chanolig drwy greu lle busnes o'r radd flaenaf gan ddarparu canolfan i gwmnïau lleol ddatblygu · Adnewyddu adeilad nodedig Rhagwelwyd hefyd y byddai'r prosiect yn sbardun a fydd yn arwain at fusnesau newydd yn gweithredu yn y dref farchnad, yn creu cyfleoedd cyflogaeth ychwanegol ac yn denu rhagor o ymwelwyr.
PENDERFYNWYD YN UNFRYDOL
|
Cyngor a Democratiaeth
Y Cyngor
Cynghorwyr, ACau ac ASau
- Eich Cynghorydd Sir
- Strategaeth Cyfranogiad y Cyhoedd a'r Cynllun Deiseb
- Lwfansau a buddiannau cynghorwyr
- Cynghorwyr Tref a Chymuned
- Aelodau Senedd Cymru
- Aelodau Seneddol
- Sut mae bod yn Gynghorydd
Adrannau'r Cyngor
Dweud eich dweud
- Ymgynghoriad ar y gyllideb 2024Gyllideb
- Prif Gynllun Teithio Llesol Y Tymbl
- Strategaeth Hamdden 2023-33 ymgynghoriad cymunedol
- Polisi codi tâl am wasanaethau gofal cymdeithasol
- Polisi Dyrannu Tai Cymdeithasol
- Strategaeth Leol ar gyfer Perygl Llifogydd 2024-2030
- Asesiad Rheoliadau Cynefinoedd ar gyfer yr Ail Gynllun Datblygu Lleol Diwygiedig Adneuo 2018-2033
- Arfarniad Cynaliadwyedd Integredig ar gyfer yr Ail Gynllun Datblygu Lleol Diwygiedig Adneuo 2018-2033
- Strategaeth y Rhaglen Moderneiddio Addysg
- Strategaeth Cyfleusterau Cyhoeddus Sir Gaerfyrddin
- Creu Sir Gaerfyrddin Ddigidol
- Holiadur Preswylwyr Sir Gâr 2023
- Ymgynghoriad ynghylch Polisi Plant sy'n Codi'n 4 Oed Ysgolion Cynradd 2025/26
Pwyllgorau a Chyfarfodydd
- Agendâu a chofnodion
- Pwyllgor Llywodraethu ac Archwilio
- Dyddiadur y Cyngor
- Pwyllgor Gwasanaethau Democrataidd
- Y Cabinet
- Penderfyniadau swyddogion
- Blaengynlluniau Waith
- Pwyllgor Cynllunio
- Craffu
- Pwyllgor Safonau
- Cyngor Ymgynghorol Sefydlog dros Addysg Grefyddol (CYSAG)
Strategaethau a chynlluniau
- Cynllun Cyflenwi Tai Fforddiadwy 2016 - 20
- Datganiad Gweledigaeth y Cabinet 2022 - 2027 (Gorffennaf 2022)
- Strategaeth Drawsnewid Cyngor Sir Caerfyrddin
- Polisi Diogelu Corfforaethol
- Strategaeth Ddigidol ar gyfer Ysgolion 2018 - 2021
- Strategaeth Technoleg Ddigidol 2018 - 2021
- Strategaeth Trawsnewid Digidol
- Cymorth i Deuluoedd Sir Gaerfyrddin 2018-23
- Gwybodaeth ddiweddaraf am wasanaeth Llyfrgelloedd - Symud ymlaen 2017 - 2025
- Strategaeth y Rhaglen Moderneiddio Addysg (1)
- Symud Sir Gâr Wledig Ymlaen
- Cynllun Cydraddoldeb Strategol
- Cynllun Trechu Tlodi 2023
- Strategaeth Hybu’r Gymraeg
- Safonau’r Gymraeg
- Adroddiad Blynyddol y Gymraeg
Y Cyllideb y Cyngor
Cyllideb y Cyngor
- Crynhoad Cyllideb
- Datganiad Cyfrifon
- Cronfa Bensiwn Dyfed
- Ein Rhanbarth ar Waith (ERW)
- Bargen Ddinesig Bae Abertawe
- Ffyrdd syml i arbed arian i'r Cyngor
Perfformiad y Cyngor
- Rheoli Perfformiad
- Archwiliadau, Arolygiadau ac Adroddiadau
- Y Ddeddf Llesiant Cenedlaethau’r Dyfodol
- Adroddiad Blynyddol y Cyngor 2022-23
Hysbysiadau cyhoeddus
Canllawiau Brexit
Iaith Gymraeg
Carbon Sero-net
Cydraddoldeb ac Amrywiaeth
Cyfamod Lluoedd Arfog
Etholiadau a Phleidleisio
- Etholiadau Lleol 2022
- Pleidleisio
- Bod yn gymwys i bleidleisio
- Sut mae pleidleisio?
- Newidiadau i bleidleisio drwy'r post a phleidleisio drwy ddirprwy
- Cofrestru i bleidleisio
- Diweddaru eich manylion ar y Gofrestr Etholiadol
- Diweddariad blynyddol o'r gofrestr pleidleiswyr
- Sut i optio allan o'r gofrestr agored
- Gweld y Gofrestr Etholiadol
- Is-etholiadau
- Fy Un Agosaf - Gwybodaeth etholiadol
- Etholiadau Senedd Cymru
- Etholiadau'r Comisiynydd Heddlu a Throseddu 2024
- Etholiad Cyffredinol Seneddol 2019
- Help i Bleidleiswyr Anabl
- Adolygiad o Ffiniau Seneddol
- Prawf Adnabod Pleidleisiwr
- Adolygiad Cymunedol 2023
- Adolygiad o Ddosbarthau Pleidleisio a Mannau Pleidleisio
- Recriwtio ar gyfer etholiadau
Mwy ynghylch Cyngor a Democratiaeth